Psalm 130:1-8
Bóhólníihii nááhwiisniiʼii bee chohooʼı̨́
130 Bóhólníihii nílíinii, tó hakʼi diilkǫʼ nahalingo shichʼįʼ nahwiiʼnánígíí biiʼdę́ę́ʼ chánahgo nánooshkąąh!
2 Bóhólníihii nílíinii, shidiitsʼı̨́ı̨́h! Nánooshkąąhgo hazhóʼó shíísíníłtsʼą́ą́ʼ!
3 Áko ni, Bóhólníihii nílíinii, doo ákwii ádahatʼínígíí baa ákonínízingo háishąʼ yíníłdzil doo?
4 Nidi dandósin doo biniyé ádił niʼiidzííh yóóʼahidíʼaah.
5 Bóhólníihii bibaʼ áníshtʼé; shiiʼ sizíinii éí yibaʼ átʼé, áádóó bizaad bee shił chohooʼı̨́.
6 Tłʼééʼ naagháhí hwiidoolʼįįł yibaʼ ádaatʼéhígíí bilááh átʼéego shiiʼ sizíinii Bóhólníihii yibaʼ átʼé; tʼáá aaníí, tłʼééʼ naagháhí hwiidoolʼįįł yibaʼ ádaatʼéhígíí biláahgo Bóhólníihii yibaʼ átʼé.
7 Bíniʼdii Bóhólníihii bee Ízrel dineʼé bił chodahooʼı̨́! Háálá Bóhólníihii aa aʼááh nízin, áádóó nááhwiisniiʼii alááh neelʼą́.
8 Ízrel dineʼé doo ákwii ádáátʼįįdii tʼáá átʼé yitsʼą́ąjįʼ nááhwiidoołnih.
