Psalm 26:1-12
Doo shinaʼadloʼgóó ádá haasdzííʼ
26 Bóhólníihii nílíinii, shaa nánítʼįįh, háálá doo shinaʼadloʼgóó níyá, áádóó Bóhólníihii doo naaki nilı̨́ı̨́góó baa jííníshłí; éí bąą doo ałtádideesghas da.
2 Bóhólníihii nílíinii, hashísííd, áádóó shínítááh; shijéí índa shíniʼ nabínítaahgo hanisííd.
3 Aa aʼááh nínízinii shilą́ąjįʼ hólǫ́ǫgo yishʼı̨́, áádóó nitʼáá aaníinii bee yishááł.
4 Diné dabiyoochʼíidii doo bił naháshtą́ą da, áádóó tʼóó ádahodilʼíinii doo bił naashdeeh da;
5 bąąhági ádaatʼíinii áłah nádleehii bikʼee dinishniih, índa doo yáʼádaashóonii doo bił nidaháshtą́ą da.
6 Bóhólníihii nílíinii, shaʼátʼeʼ ádingo shílaʼ tánínásgis doo, áko nibikááʼ nááʼiiniihí bináásháał doo,
7 áko tʼóó bikʼedaʼayóii baa nisíníyáii tʼáá ałtso bee nahashneʼgo ahééh nisingo naa nahodishdlaad doo.
8 Bóhólníihii nílíinii, nikin biiʼ sohodizin góneʼ kééhótʼı̨́įgi áádóó bee ił nílíinii hólǫ́ǫgi ayóóʼííníshʼní.
9 Shiiʼ sizíinii éí ádił nidaʼiilzíihii doo bił áłah íʼdíílíił da, índa diné dił bitsʼádaazlı̨́įgo ádeileʼii doo bił sheʼiinaʼ ádííłdįįł da.
10 Éí doo yáʼáshǫ́ǫ́góó inahatʼáii bílákʼee naazlá, índa bee nidahoʼdiiniihii nishʼnáájí bílákʼee hadadeezbin.
11 Nidi shí éí doo shinaʼadloʼgóó yisháał doo; shikʼénináʼnídléego hááshíłteeh, áádóó shaa jiiníbaah.
12 Kʼíhoneezláagi sézı̨́; áłah daʼílı̨́įgi Bóhólníihii baa hashniih doo.
