Psalm 67:1-7
Ałʼąą dineʼé éí Diyin God yaa dahaniih dooleeł bee bichʼįʼ yátiʼ
67 Diyin God nihaa joobaʼ áádóó nihikʼijidlíi leʼ áádóó tʼáá bí nihikʼidiiłdíin leʼ. Síilah.
2 Áko nahasdzáán bikáaʼgi nikʼehgo áhootʼéii bééhózin doo, áádóó ałʼąą dineʼé tʼáá ałtso bitahgóó nibee yisdáʼiildéehii bééhózin doo.
3 Diyin God nílíinii, ałʼąą dineʼé naa dahaniih leʼ. Ałʼąą dineʼé tʼáá ałtso naa dahaniih leʼ.
4 Ałʼąą dineʼé bił dahózhǫ́ǫgo dahataał leʼ, háálá tsʼídá tʼáá ákogi átʼéego á nihoyíʼaah doo, áádóó nahasdzáán bikáaʼgi ałʼąą dineʼé binanítʼáa doo. Síilah.
5 Diyin God nílíinii, ałʼąą dineʼé naa dahaniih leʼ; ałʼąą dineʼé tʼáá ałtso naa dahaniih leʼ!
6 Nahasdzáán bikááʼgóó ádaʼazįįd doo, Diyin God, tʼáá nihí nihiDiyin God, nihikʼijidlíi doo.
7 Diyin God nihikʼijidlíi leʼ, áko nahasdzáán nidahoneesʼą́ą́góó diné tʼáá ałtso dabidísin doo.
