Tʼáá nináháhááh bikʼeh conventiongi, Diyin Bizaad binaʼnitin bíká dadíníitʼı̨́ı̨́ʼ łeh. Jó, Jiihóvah yáʼátʼéehii jílı̨́įgi bił béédahodoozįįł biniyé diné tʼáá ałtso invite ádadiilnííł. (Ps 34:8) Hastóí oodlání yá naazíinii éí haitʼéego invitations hazhóʼó nidooʼnihgi yee nihił dahodoolnih.

• Hahgoshąʼ convention náádaʼiidleeh?

• Hahgo lá invitations nídadiiʼniiʼ?

• Nahaneʼ biniyé áłah nídeedleehígíí lá hahgo aleeh?

• Shí lá éí haitʼéego áká iishyeed?

• Háí lá éí invite ádadeeshłííł?

Yáʼátʼééh dííníniid bikéédóó, kódidííniił da:

“Nahasdzáán bikááʼgóó áłah deidleeh biniyé díí invitation nideiʼniih. Díí naaltsoos hahgo dóó haaʼígi áłah aleehígíí bikááʼ. Atah nihaa díínááł daniidzin.”

Azhą́ shı̨́ı̨́ diné łą́ągo convention biniyé invitation bitaa deiʼniih ndi, bichʼįʼ nahólneʼígíí Diyin Bizaad hazhóʼó bił baa nídíítʼįįł.

Damóogo, éí naaltsoos Jesus Christ—Łaʼísh Baa Ínááhodííłʼááł Nínízín? dóó invitation bił baa díínił.