Tuesday, April 11 góneʼ, tʼóó ahayóí Jiihóvah bá naʼalʼaʼgi yitsʼá dinoodzahígíí éí Jesus Bééhániih nihaa hidoohkah. Aghazhdilyeedígíí éí iiná deeshbįįł jinízingo joolwoł doo, ndi łahda haʼátʼííshı̨́ı̨́ honiłtłʼahgo jileeh, áko díí naaltsoos Return to Jehovah biiʼ dahaneʼ. (Heb 12:1) Ndi, Jiihóvah bá naʼalʼaʼgi yitsʼá dinoodzahígíí éí Jiihóvah bichʼįʼ aláahgo ílı̨́, éí biYeʼ bidił yá nináʼádeitʼą́. (Ac 20:28; 1Pe 1:18, 19) Haash yitʼéego bíká adíílwołgo nihił yah nídoodááł?

Hastóí oodlání yá naazíinii éí dibé yaa áhályáanii nahalingo, diné Jiihóvah bá naʼalʼaʼgi yitsʼá dinoodzahígíí hadeinitá dóó bíká adeeshwoł danízin. (Lu 15:4-7) Tʼáá ákótʼéego Jiihóvah ayóóʼáyóʼníigo yaa áhályą́. (Jer 23: 3, 4) Tʼáá áníiltso éí Jiihóvah bá naʼalʼaʼgi yitsʼá dinoodzahígíí éí bíká anéijah doogo átʼé. Nihaa áhwiinítʼı̨́įgo éí Jiihóvah bił hózhǫ́ dóó nihitah yáʼáhootʼéeh doo. (Pr 19:17; Ac 20:35) Áko, háíshı̨́ı̨́ bíká adeeshwoł nínízingo baa nitsíníkees, áádóó ádíílííł!

VIDEO JIIHÓVAH YITSʼÁ DINOODZAHÍGÍÍ BÍKÁ ANILYEED BEE NANINÉ, ÁÁDÓÓ DÍÍ NDAʼÍDÍKIDÍGÍÍ BAA NITSÍIKEES DOO:

• Abbey éí Jiihóvah Yá Dahalneʼé łaʼ doo yééhósinígíí yikʼíníyá, Abbey éí haa jiidzaa?

• Jiihóvah bá naʼalʼaʼgi yitsʼá dinoodzahígíí bíká adiilwoł ládą́ą́ʼ, haʼátʼíísh biniyé hastóí oodlání yá naazíinii áłtsé bił hodiilnih?

• Abbey éí Laura yaa náánádzá, haitʼéego ádidooniiłígíí hashtʼeyiilaa?

• Ayóóʼóʼóʼní dóó haʼahóní bee, haitʼéego Abbey éí Laura tʼóó ahayóidi yíká análwoʼ ńtʼééʼ?

• Luke 15:8-10 biiʼ éí Jesus saad naʼnitinígíí haʼátʼíísh bitsʼą́ą́dóó bídahodiilʼááł?

• Laura dóó bíká ííjéʼígíí haitʼéego bee akʼidahojisdliʼ?