Díí yihahígíí bee hahoolzhiizhgo, tʼáá nihá bohónéedzą́ągo Jesus daaztsánę́ę Bééhániih biniyé hashtʼeʼádadidiilnííł. Jesus Bééhániih éí weekday góneʼ yileehgo, Iiná dóó Naʼnitin Áłah Náʼádleehígíí doo áłah deidleeh da. Jesus Bééhániih weekend góneʼ yileehgo, public talk dóó Bee Haʼídéesʼı̨́įʼii Baa Íhooʼaah doo ádeilnéeh da. Áajįʼ hoolzhiizhgo, haitʼéego hazhóʼó biniyé hashtʼeʼádidiilnííł? First century nahalingo, ílı̨́įgo baa nidooldahígíí biniyé hazhóʼó hashtʼedajííłʼįįh. (Lu 22:7-13; km-E 3/15 1) Ákondi tʼáá ániitʼé nihintsékees hashtʼedadiilnííł. Haitʼéego ádadiilnííł?

• Haʼátʼíí biniyé ílı̨́įgo áadi nanínáa doo baa nitsíníkees.​—1Co 11:23-26

• Jiihóvah bił ahą́dí nilı̨́įgo sodilzin dóó baa nitsíníkees.​—1Co 11:27-29; 2Co 13:5

• Naaltsoos biiʼdę́ę́ʼ Jesus Bééhániih baa haneʼígíí yíníłtaʼ dóó hazhóʼó baa nitsíníkees.​—Joh 3:16; 15:13

Łaʼ nidahalneʼii Jesus Bééhániihgi Diyin Bizaad wóltaʼ Examining the Scriptures Daily biiʼdę́ę́ʼ dayółtaʼ dóó hazhóʼó yaa nitsídaakees. Łaʼ éí Diyin Bizaad saad dahnaazhjaaʼígíí dayółtaʼ, chart biyaagi chodeiyoołʼı̨́. Łaʼ éí Bee Haʼídéesʼı̨́įʼii Jesus Bééhániih baa dahaneʼígíí dóó Jiihóvah dóó Jesus beʼayóóʼóʼóʼniʼ dayółtaʼ. Haʼátʼíí shı̨́ı̨́ baa ídééshtah jinízinii, éí Jiihóvah dóó Biyeʼ bił ahą́dí ázhdólzin.