Azhą́ eʼelyaii bee hazʼáanii tʼahdoo álnéehgo, Jéíkab éí Jiihóvah tʼéiyá dólzin. (Ex 20:​3-5) Jiihóvah éí Jéíkab ííłní, Béthelgóó nídídááh. Áádóó Jéíkab éí diné, edaʼalyaii nahjįʼ kódaałééh yiłní. Jéíkab éí jaatłʼóół edaʼalyaaii bídadéétʼiʼígíí ałdóʼ nahjįʼ kóyiilaa. (Ge 35:​1-4) Nihił bééhózin, Jéíkab íʼiilaaígíí éí Jiihóvah yaa bił hózhǫ́.

Dííshjı̨́įdi, haitʼéego Jiihóvah tʼéiyá díníilzin? Edaʼalyaii dóó álílee kʼehgo bídadéétʼiʼígíí bitsʼąą ániitʼée doo. Naʼídíkid: ‘Demons bibee ádaʼoolʼįįłii naaltsoos dóó ndaalkidígíí biyiʼdóó éísh shił yáʼátʼééh? Álílee kʼehgo, adigąsh, doodaiiʼ ihondzin éísh tʼáadoo átʼéhí da nahalingo bee akʼéhástaʼ?’ Bee akʼi hwiiltaʼii hazhóʼó baa ákoniidzin áádóó doo yáʼádaashónígíí bitsʼą́ąjįʼ kóniitʼée doo. Jiihóvah yijoołáhígíí bitsʼąą ániitʼée doo.—Ps 97:10.

VIDEO DRAMATIZATION SÉÍTAN “BICHʼĮʼ NIDAAŁDZILGO” BEE NANINÉ, ÁÁDÓÓ DÍÍ NDAʼÍDÍKIDÍGÍÍ BAA NITSÍIKEES DOO:

• Palesa Diyin Bizaad yíhoołʼaahii nilı̨́įgo, haʼátʼíísh bee bichʼįʼ nahwiiʼná?

• Álílee kʼehgo achʼįʼ nahwiiłnáago, haʼátʼíí biniyé elders shíká anilyeed bididiiʼniił?

• Jiihóvah nihichʼą́ą́h hólǫ́ǫ doo niidzingo, haʼátʼíísh nahjįʼ kódiilnííł?

• Palesa haitʼéego íʼiilaa?

• Kééhonítʼı̨́įgi, haitʼéego demons bibee ádaʼoolʼįįłii bitsʼąą ánítʼée doo?