Yilʼaadii Paul kótʼéego Táítas yichʼįʼ akʼeʼashchı̨́, nooséłí nilı̨́įgo éí “tʼáá ałtsojįʼ yáʼátʼéehgo ááníłígíí . . . yitʼíní íʼdíínílzin.” (Tit 2:6, 7) Tʼáá éí saad dah shijaaʼígíí biyiʼdę́ę́ʼ ání, Jesus éí Jiihóvah bidineʼé yáʼádaatʼéehgo íidoolííł áko ‘yáʼátʼéehgo ádahooníiłii tʼáá íiyisí bídaniidlı̨́.’ (Tit 2:14) Łaʼ yáʼátʼéehgo naʼanishígíí éí hootahgóó nahaneʼ dóó God biNahatʼaʼ bee naʼniitin. Nooséłí nilı̨́įgo neʼadziil choiníłʼı̨́ auxiliary doodaiiʼ regular pioneergi bee áká adiilwołgoósh átʼé?​—Pr 20:29.

Pioneer deeshłééł nínízingo, hazhóʼó baa nitsíníkeesgo pioneer dííléełgo átʼé. (Lu 14:28-30) Haash yitʼéego béeso bee akʼi hóltaʼ doo? Haash yitʼéego ahééʼiilkeedígíí bíighah ádíílííł? Jiihóvah shíká anilyeed bididííniił. (Ps 37:5) Nizhéʼé dóó nimá bił baa nídíítʼįįł, nááná pioneers danilínígíí éí ałdóʼ náábidiʼdiiłkił. Áʼdíílíłígíí ná bíighah dooleeł. Jiihóvah bá nanilʼaʼgo éí nikʼihojidlíi doo!

VIDEO NOOSÉŁÍ NILĮ́ĮGO JIIHÓVAH NIŁ NILĮ́Į DOO DADÍNÍILʼĮĮŁ, ÁÁDÓÓ DÍÍ NDAʼÍDÍKIDÍGÍÍ BAA NITSÍDEIKEES DOO:

• Łaʼ pioneer danilínígíí éísh haʼátʼíí bá ndanitłʼah ńtʼééʼ, ndi haitʼéego ádayiilaa?

• Azhéʼé dóó amá haitʼéego baʼáłchíní regular pioneer bee bíká adiilwoł?

• Schedule bá nahólneʼígíí éísh haʼátʼíí biniyé ílı̨́įgo íinisin?

• Haitʼéego áłah náʼádleehígíí éí pioneer bíká adiilwoł?

• Pioneers éí haitʼéego bikʼidahojidlí?