“Nihodoogáałjįʼ ayííłką́ągo”

Éí kʼad biiʼ dahoʼniiʼná

Jiihóvah “bikin biiʼ sohodizin bidził”

Jiihóvah hazhóʼó bá naʼalʼaʼ

“Ałʼąą dineʼé tʼáá átʼé áajįʼ íílı̨́į doo”

Tʼáá aaníí oodlání danílínígíí éí tʼáá łaʼgo dah yikah

Tįʼ Jiihóvah “bidził bighą́ą́ʼgóó . . . [hahidiikah]”

Jiihóvah yá nidaalʼaʼí éí náánáłaʼ tįʼ wóshdę́ę́ʼ deiłní

“God átʼéii yínanihiniłtin doo, índa bikʼehgo daʼnítiinii deíníikáah dooleeł”

Jiihóvah Bizaadígíí yee nanihinitin dóó bikʼehgo yiidááł doogi nihíká análwoʼ

“Anaaʼ doo yínáádahoołʼaah da doo”

Aizéíyah éí bee adaʼahijigánígíí éí dáʼákʼehgi bee ndaʼanish ádadoolnííł ní, éí Jiihóvah bidineʼé kʼé hádaatʼı̨́į dooleełgo bee bééhózin. Díí bee ndaʼanish haʼátʼíí ádaatʼé?

“Dabidiltłish . . . bee nihwiildlaadí [ádaalyaa]”

1 Éí bee nidahojiiłdlaad ńtʼééʼ. Éí łaʼ béésh bee ádaalyaa.—1Sa 13:20

“Dabitsiidétáán . . . tsin bitsʼáozʼaʼ bee higéshí [ádaalyaa]”

2 Dabitsiidétáán éí bee iigéshí nahalingo názha ńtʼééʼ, éí tsin bee wóltąʼgo ályaa. Díí éí chʼil naʼatłʼoʼii bee hagéésh ńtʼééʼ.—Isa 18:5