HAʼÁTʼÍÍ BINIYÉ ÍLĮ́ĮGO BAA NITSÁHÁKEES: Jiihóvah bikʼehgo éʼélʼı̨́įgi bídahojiiłʼaahgo éí tʼáá ákogi átʼéego bá nidajilʼaʼ doo. (Isa 2:3, 4) Naaltsoos “God’s Love” wolyéhígíí éí Diyin Bizaad yídahoołʼaahígíí ałdóʼ bá. Díí bee haitʼéego tʼáá ákwíí jı̨́ Diyin Bizaad kʼehgo oodáłígíí hazhóʼó yídahoołʼaah. (Heb 5:14) Bee nidaniitinígíí binahjįʼ bidaʼiinaʼ hazhóʼó dayółtʼééh dadínóozįįłgi, bee bíká anídeijah doo.—Ro 6:17.

HAITʼÉEGO ÁʼDÍÍLÍÍŁ:

• Nidaniitinígíí hazhóʼó baa nitsíníkeesgo bá hashtʼeʼ íníʼdiilʼįįh. Yíhoołʼaahígíí, haitʼéego yaa nitsíkeesígíí bínabídíłkidgo bíniʼdii yee nił halneʼ.—Pr 20:5; be-E 259

• Nidanítinígíí éí box daa biiʼígíí bił choiníłʼı̨́į doo, éí Diyin Bizaad bikʼehgo oodáłígíí hazhóʼó ííshjání bá ádaalneʼ

• Nanítinígíí bintsíkees yinahjįʼ áʼdoolíiłgi bee bíká anánílwoʼ, ákondi haitʼéego áʼdoolíiłgi éí tʼáá bí íiniizı̨́ʼígíí binahjįʼ doo.—Ga 6:5

• Nanítinígíí łah da shı̨́ı̨́ łaʼ Diyin Bizaad kʼehgo oodáłígíí doo hazhóʼó yikʼeh ááníił da łeh. Jiihóvah ayóóʼáyóʼnínígíí binahjįʼ beʼiinaʼ hazhóʼó yoołtʼih dooígi bee bíká anánílwoʼ.—Pr 27:11; Joh 14:31