Tʼáá ałkʼidą́ą́ʼ, nihookááʼgóó naatʼáanii danilínígíí éí Jiihóvah bidineʼé yíká eelwod. (Ezr 6:1-12; Es 8:10-13) Dííshjı̨́įdi, Naatʼáanii łaʼ tʼáá bee ajoobaʼ dahólǫ́. “Nahasdzáán” éí nahóhoʼdinitaah tooh danilíinii ayííłnaʼ deiitʼı̨́. Séítan, Devil nilíinii doodaiiʼ “naʼashǫ́ʼiitsoh” éí nahóhoʼdinitaah hayííłwod. (Re 12:16) Łahda Jiihóvah, “God éí bee yisdáʼiildéehii” éí nihookááʼgóó naatʼáanii danilínígíí choyoołʼı̨́įgo, bidineʼé yisdéidoonił.—Ps 68:20; Pr 21:1.

Neʼoodląʼ biniinaa awáalyaa góneʼ sínídáá ládą́ą́ʼ, Jiihóvah nikʼi déezʼı̨́ʼígíí baa yoonééh lágo. (Ge 39:21-23; Ps 105:17-20) Neʼoodląʼ binahjįʼ nikʼihojidlíi doo, haʼahóní bee sínízı̨́įgo nibrothers dóó nisisters bee bíká adiilwoł.—Php 1:12-14; Re 2:10.

VIDEO NIHIBROTHERS KOREADI AWÁALYAADĘ́Ę́ʼ CHʼÉÉBIʼDEEʼNIL BEE NANINÉ, ÁÁDÓÓ DÍÍ NDAʼÍDÍKIDÍGÍÍ ÉÍ BAA NITSÍIKEES DOO:

• Haʼatʼíí biniinaa South Koreadi laʼí nihibrothers awáalyaa góneʼ nihaaztą́?

• Haʼátʼíísh biniinaa yee nidahwiizʼánígíí tʼah doo bidayiiłkaahgo nihibrothers bee daʼasniiʼ?

• Haitʼéego nihibrothers beʼoodląʼ biniinaa awáalyaa góneʼ naháaztánígíí bíká adiijah?

• Doo awáalyaadi honiidlǫ́ǫgo haa yitʼįį doo?

• Háísh ánihwiiʼaahii bee bóhólníihgo bídeetʼiʼ?