Jiihóvah ádayiilaaígíí binahjįʼ ayóó ájítʼéego haa halneʼ. (Ps 19:1-4; 139:14) Ákótʼéii ndi, háádę́ę́ʼ iiná hahóótʼiʼígíí tʼáá ádzaagóó baa haneʼ. (Ro 1:18-25) Áko, haitʼéego naʼáłchíní díí haneʼígíí bitsʼąą baa áhályą́ą doo? Tʼáá awééʼ danilı̨́ı̨́dóó Jiihóvah hólónígíí dóó ayóóʼábóʼnínígíí yoodlą́ą doogo bee bíká anánílwoʼ. (2Co 10:4, 5; Eph 6:16) Bee nidabiʼdinitinii haitʼéego yaa nitsídaakeesígíí bínabídíłkidgo, éí íiyisíí bijéí biiʼígíí nił bééhodoozįįł. Áádóó tʼóó ahayóí ałʼąą átʼéego bee nabidiníítįįłígíí choidííłʼįįł biniyé ná hólǫ́.—Pr 20:5; Jas 1:19.

VIDEO BIŁ AŁHĄĄH NIDANIKAII ÁDAANÍ—GOD YINÍDLĄ́Ą DOO BEE NANINÉ, ÁÁDÓÓ DÍÍ NDAʼÍDÍKIDÍGÍÍ BAA NITSÍIKEES DOO:

• Diné éí God deidoodląąłgi, haitʼéego yaa nitsídaakees?

• Ííníłtaʼgishąʼ haʼátʼíí yee ndaʼnitin?

• Haʼátʼíísh binahjįʼ Jiihóvah yinídlą́?

• God tʼáá ałtsoní áyiilaaígíí, haitʼéego náánáłaʼ bił ííshjání ádíílííł?