Jesus ání: “Nihaa dadeestʼánígíí tʼáá jííkʼe nihaa dadeestʼą́, áko tʼáá jííkʼe bee ádaahnííł.” (Mt 10:8) Éí biniinaa Diyin Bizaad, doodaiiʼ éí naaltsoos binahjįʼ ádaalyaaígíí doo nihaa nidahaniih da. (2Co 2:17) Ákótʼéii ndi, tʼáá aaníinii God Bizaad daabiiʼígíí díí naaltsoos biih daasdzoh. Díí naaltsoos éí daʼníłtsʼą́ą́góó áłah nídaʼadleehgi ayóó ílı̨́įgo bichʼįʼ ádaalneʼ. Éí biniinaa tsʼídá choidííłʼįįłígíí tʼéiyá bíighahgo náádiiʼnił doo.

Díí naaltsoos éí bąąh hą́ą́h nínízingo naniniih doo. (Mt 7:6) Díí naaltsoos tʼahdoo łaʼ baa níłtsóósgóó áłtsé bił ahił hodíílnih, áko bił yáʼátʼéehgo éí nił bééhodoozįįł. Box biiʼ nidaʼádéékidígíí łaʼ yiʼiilaago, éí bił yáʼátʼéhígíí bééhóziní doo. Doo bééhózin ládą́ą́ʼ, éí tʼóó naaltsoos yázhí baa dííłtsos. Ákondi naaltsoos łaʼ níyííkeedgo éí baa dííłtsos.—Pr 3:27, 28.