Tsinaaʼeeł yaa bítąʼígíí nahalingo éí bíká nihił chodahooʼíinii bee daniłdzil. (Heb 6:19) Éí tónteel náádiidáahgo tsinaaʼeeł nayiitííh nahalingo, niheʼoodląʼ yidoołchxǫǫłígíí yitsʼąą nihaa áhályą́. (1Ti 1:18, 19) Éí nihichʼįʼ nidahwiiʼnánígíí, doodaiiʼ niheʼoodląʼ yidínóołtłʼahígíí yaa yáłtiʼ.

Oodląʼ dóó ił chodahooʼı̨́ binahjįʼ éí náasdi nihee dahodooleełígíí ííshjánígo ííłʼı̨́. (2Co 4:16-18; Heb 11:13, 26, 27) Éí biniinaa náasdi bíká nihił chodahooʼínígíí, Diyin Bizaad biiʼdóó tʼáá áłahájįʼ baa ííníiltaʼgo nabikʼítsídeilkees doo. Nanihídahoʼdinitaah ndi, nihił chodahooʼínígíí binahjįʼ nihił dahózhǫ́ǫ leʼ.—1Pe 1:6, 7.

VIDEO IŁ CHOHOOʼĮ́ BAA NIŁ HÓZHǪ́ BEE NANINÉ, ÁÁDÓÓ DÍÍ NDAʼÍDÍKIDÍGÍÍ BAA NITSÍIKEES DOO:

• Haʼátʼíísh biniinaa Mózes bééʼdiilnííł?

• Hooghan hazʼą́ągi yikʼidadéezʼı̨́įʼii, éí haitʼéego ádeidoolííł?

• Nighan hazʼą́ągi, Family Worshipgo haʼátʼíí lá baa nídadóohtʼįįł?

• Ił chohooʼı̨́ éí nichʼįʼ nahwiiʼnáago, haitʼéego nidziilgo ánósin doo?

• Haʼátʼíísh náasdi bíká nił chohooʼı̨́?