32 C.E. yihah góneʼ tʼáá bichʼįʼdóó atisʼadeesdzá ályaa yę́ędą́ą́ʼ, Jesus éí God bibee adziilii choyoosʼįįd, dı̨́įʼgo haneʼ yáʼátʼéehii ádayiilaaígíí tʼáá éí tʼéiyá yee yikʼedaʼashchı̨́.

Díí God bibee adziilii choyoosʼįįdgo binahjįʼ, Jesus éí bikʼehgo álʼínígíí áyiilaa, éí dííshjı̨́įdi tʼahdii álʼı̨́.

14:16-21

• Jesus éí bídahoołʼaahii kótʼéego diné badaʼdiiltsoł azhą́ tʼáá ashdlaʼí łeesʼáán dóó łóóʼ tʼáá naakigo tʼéiyá bee hólǫ́ǫ ndi

• Jesus sodoolzin bikéédóó, bídahoołʼaahii éí łeesʼáán dóó łóóʼ yitaizniiʼ áádóó diné áłah silı̨́ʼígíí yitaa daʼastsood

• God bibee adziilii binahjįʼ chʼiyáán tʼáá bilááh ánéelą́ąʼgo daʼííyą́ą́ʼ. Jesus éí bídahoołʼaahii choyoosʼįįdgo diné tʼóó ahayóí yaʼníłtsood

• Jesus nihoogháahjįʼ yoołkáałgo yaa hoolneʼgo, éí bitah danítʼiʼígíí “tʼáá ałtso tʼáá áajįʼ anáhwiilzhíishgo” yee yanáʼáltsoʼ.​—Mt 24:45

• 1919 yihahgo Jesus éí “baʼahódlíigo índa hóyą́ągo naalʼaʼí” néidiinil. Éí tʼáá díkwíigo yáʼąąshgóó bá chodahooʼínígíí ádaatʼı̨́, díí éí “bighan hazʼą́ągi nidaakaígíí” yikʼidadéezʼı̨́įʼgo badaʼiltsood

• Díí tʼáá díkwíigo yáʼąąshgóó bá chodahooʼínígíí bikʼehgo, Jesus éí ałkʼidą́ą́ʼ bikʼehgo álʼínígíí áyiilaa yę́ę ákótʼéego yikʼehgo íʼiilaa

Jesus éí bitah danítʼiʼígíí choyoołʼı̨́įgo éí yee diné diyin kʼehgo yanáʼáłtsoʼ, haitʼéego baa ákonisin dóó ádííníszin?