HAʼÁTʼÍÍ BINIYÉ ÍLĮ́ĮGO BAA NITSÁHÁKEES: “Diné bijéí biyiʼdę́ę́ʼ” éí “tó yáʼátʼéehii hahadleehígíí nahalin” áko naʼídíkidígíí éí ásaaʼ biyiʼdę́ę́ʼ tó hajiikaah nahalin. (Pr 20:5) Naʼídíkidígíí éí daʼíistsʼą́ʼígíí bił ahił nidahwiilneʼgo nihíká adoolwoł. Nizhónígo naʼídíilkidgo, nátʼą́ą́ʼ nihił nahólneʼgo haa náádiiʼnííł éí yee nihíká adoolwoł. Jesus éí naʼídíkidígíí hazhóʼó choyoołʼı̨́. Haitʼéego bedaʼiilʼı̨́?

HAITʼÉEGO ÁʼDÍÍLÍÍŁ:

• Haitʼéego yaa nitsíkeesígíí bínabídíłkid. Jesus éí ídahoołʼaahii ląʼí yee nayídééłkid áko haitʼéego yaa nitsídaakeesígíí bichʼįʼ ííshjání ályaa. (Mt 16:13-16; be-E 238 ¶3-5) Nishąʼ, haitʼéego baa nitsíkeesígíí bínabídíłkid?

• Yéigo baa nitsídaakeesgo bee bíká anilyeed. Peter hazhóʼó tsídidookos biniyé Jesus nahódééłkid dóó ląʼígóó hoł ííshjání ánáyiidlaa. (Mt 17:24-26) Haʼátʼíí naʼídíkidígíí yéigo yaa nitsékeesgo bee bíká adiilwoł?

• Saad yáʼátʼéehgo bee baa hojiniih. Bee hazʼáanii yíndaʼniłtinii “hojíyą́ągo hadzoodzíʼígíí” dóó Jesus baa haznih. (Mr 12:34) Bínaʼádíłkid yę́ę yáʼátʼéehgo yaa hoolneʼ, haitʼéego łaʼ baa hodiinih?

VIDEO JESUS YEE NAASHNISHÍGÍÍ ÁDADIILNÍÍŁ​—NAʼNITIN ÁŁTSÉ AŁNÍÍʼDÓÓ NINÁÁŁ NIDOOLKIŁ, ÁÁDÓÓ DÍÍ NDAʼÍDÍKIDÍGÍÍ BAA NITSÍIKEES DOO:

• Díísh éí haitʼéego doo yáʼátʼéehgo nazhnitin, azhą́ díí naʼnitinígíí éí tʼáá aaníí átʼé?

• Haʼátʼíísh biniinaa doo tʼóó bichʼįʼ chʼíhoníʼaah da?

VIDEO AŁTSO DADÍNÍILʼĮĮŁ, ÁÁDÓÓ DÍÍ NDAʼÍDÍKIDÍGÍÍ BAA NITSÍIKEES DOO:

• Haitʼéego nihibrother naʼídíkidígíí hazhóʼó choyoosʼįįd?

• Náánáłahgo yee naʼnitin éí haitʼéego bedaʼiilʼı̨́į doo?