JESUS BEDAʼIILʼĮ́ĮGO DAHINIIʼNÁ
Tʼóó Bibaʼ Ániitʼéego Haʼííníilníi Doo
Haa nizaagóó God biNahatʼaʼ baa hodoolzhishígíí bibaʼ ániitʼé? Nichʼįʼ nahwiiʼnáa ndi, haʼíínílníigoósh bibaʼ ániitʼé? (Ro 8:25) Łaʼ Oodlání danilínígíí akʼeh diniih, bee atídabiʼdilʼı̨́, awáalya, doodaiiʼ hazééʼ nideiʼáhí. Náánáłaʼ bitah doo dahatsʼíídgóó baa ndahazʼą́, doodaiiʼ náás daazlı̨́ı̨́ʼ.
Haʼátʼíí nihíká adoolwołgo bibaʼ ádaniitʼé bee hadaʼííníilníi doo? Tʼáá ákwii jı̨́ Diyin Bizaad yíníiltaʼgo dóó bee nihił chohooʼı̨́ hazhóʼó baa nitsíikees doo. (2Co 4:16-18; Heb 12:2) Jiihóvah bichʼįʼ sodizin dóó níłchʼi diyinii baa nídaʼiikąąh. (Lu 11:10, 13; Heb 5:7) Nihizhéʼé ayóóʼánihóʼnínígíí nihíká análwoʼ “tʼáá ałtsojįʼ hadaʼíínółní áádóó nízaadgóó dziilí bee hadaʼíínółníigo nihił dahózhǫ́ǫ doo.”—Col 1:11.
VIDEO “TʼÁÁŁÁHÍGI ÁDEIITʼĮ́ĮGO HAʼAHÓNÍ BEE DEIDIILTIH”—TʼÁÁ AANÍÍ HODINÍÍŁNÉEŁGO YINÍDLĄ́ BEE NANINÉ, ÁÁDÓÓ DÍÍ NDAʼÍDÍKIDÍGÍÍ BAA NITSÍIKEES DOO:
-
Haʼátʼíísh tʼáá “bá bikʼíhwiilzhíísh”? (Ec 9:11)
-
Nihichʼįʼ nidahwiiʼnáago haitʼéego sodizin nihíká adoolwoł?
-
Jiihóvah ląʼígóó bá neiilʼaʼ yę́ę nihitsʼąą diniitłóoʼgo, haʼátʼíí biniinaa tʼah íilʼínígíí baa nitsíikees doo?
-
Nihaa doolyéłígíí bíká díníitʼı̨́ı̨́ʼ
Nihaa doolyéełii haʼátʼíísh baʼíínílíigo níká adoolwoł?
