HAʼÁTʼÍÍ BINIYÉ ÍLĮ́ĮGO BAA NITSÁHÁKEES: Diné éí Jiihóvah bízhiʼ dajózhíigo sodazdilzinígíí éí yisdáyiinííł. (Ro 10:13, 14) Łaʼ Diyin Bizaad bíhooʼaah deinízin ndi Jiihóvah bibee hazʼáanii doo yikʼeh dahółʼı̨́į da. Nidaʼniitingo bá nídahwiilʼaah áko łaʼ dabintsíkees łahgo átʼéego áńdeidoodlííł éí Jiihóvah yił dahóshǫ́ǫ doo biniyé. Nízaadgóó bee nazhnitinii doo yikʼeh áánííłgóó éí Diyin Bizaad bíhooʼaah nahjįʼ kózhdoolííł. Áádóó náánáłaʼ éí Jiihóvah dóó biorganization áhánígo yił ádólzinii bíká azhdoolwoł. (Joh 6:44) Náás hoolzhishgo diné doo akʼeh hółʼı̨́ yę́ę, “iiná doo ninítʼiʼii biniyé nídabiʼdiisdláʼígíí” ííshjání áyósin. Éí binahjįʼ Diyin Bizaad yínááhoołʼaah bee bíká adiilwoł.​—Ac 13:48.

HAITʼÉEGO ÁʼDÍÍLÍÍŁ:

• Tʼáá aaníinii nił bééhózingo naa yáʼátʼééh bidiní.​—1Ti 2:4

• Yíhoołʼą́ʼígíí yikʼeh áániił doogo yéénálniih doo.​—Lu 6:46-49

• Jesus kʼééʼdídléehii baa haneʼ hazhóʼó yikʼidiʼdootı̨́ı̨́ł. Áádóó, “Haʼátʼíísh tʼą́ą́ʼ kónósin?” bee nabidídííłkił.​—Mt 13:18-23

• Diyin Bizaad bee naninitinii nahjįʼ kóníléehgo biniinaaígíí hazhóʼó bił hodiilnih

• Tʼáá náánáshdáahgo bee haʼííníilníi doo. Hazhóʼó baa nitsíníkees Diyin Bizaad bínááhodééshʼááł nízingo ánáádíídlííł bididííniił

VIDEO BEE NANINÉ, ÁÁDÓÓ DÍÍ NDAʼÍDÍKIDÍGÍÍ BAA NITSÍIKEES DOO:

• Baa yátiʼígíí binahjįʼ, haitʼéego Diyin Bizaad yíhoołʼaahígíí beʼoodląʼ doo bidziilgóó yee ííshjání ííłʼı̨́?

• Nahalneʼii haitʼéego łaʼ neinitinii łahgo átʼéego nitsízdookos yikʼidiitįįh yee yíká eelwod?

• Nahalneʼii haitʼéego náásgóó Diyin Bizaad bíhooʼaahígíí bá bohónéedzą́ yee ashjaʼ áyósin?