Chʼilátah hózhóón jiníłʼı̨́įgo, wótʼáahdi sǫʼ, doodaiiʼ tó ádadaazlı̨́įgo, God ádayiilaaígíí baa ákonínízinísh? Yee átʼéhígíí doo yitʼı̨́į da ndi ádayiilaaígíí yee ííshjání ííłʼı̨́. (Ro 1:20) Nihinááʼ bee hazhóʼó níilʼı̨́įgo baa ákoniidzin éí God bibee adziil, bee ayóóʼóʼóʼní, hódzą́, tʼáá ákogi éʼétʼéii, dóó baa ajoobaʼ nihił ííshjání áyósin.​—Ps 104:24.

Tʼáá ákwii jı̨́ haʼátʼíhída Jiihóvah ádayiilaaígíí baa ákonínízin? Azhą́ shı̨́ı̨́ kintahgi kééhonítʼı̨́į ndi tsídii doodaiiʼ tʼiis shı̨́ı̨́ dahólǫ́ǫgo yíníʼı̨́. Nihichʼįʼ nahwiiʼnáago Jiihóvah ádayiilaaígíí hádeilziid bikʼidiʼyiitįįh yee nihíká adoolwoł. Áádóó Jiihóvah íinízinii hazhóʼó bikʼidiitįįh dóó éí hoolʼáágóó nihaa áhályą́ą doogo bee niheʼoodląʼ bidziil doo. (Mt 6:25-32) Naa áłchíní hólǫ́ǫgo, Jiihóvah átʼéhígíí tʼáadoo bináłtʼéhí da yaa ákodadínóodzįįł bee bíká adiilwoł. Ádayiilaaígíí nihí naazlá baa ahééh niidzingo, Jiihóvah áhánígo bił honiidlǫ́ǫ doo.​—Ps 8:3, 4.

VIDEO THE WONDERS OF CREATION REVEAL GOD’S GLORY​—LIGHT AND COLOR BEE NANINÉ, ÁÁDÓÓ DÍÍ NDAʼÍDÍKIDÍGÍÍ BAA NITSÍIKEES DOO:

• Pigments wolyéii haitʼéego ałʼąą ádaatʼéego nidaashchʼąąʼii bee yiitʼı̨́?

• Iridescence wolyéii haitʼéego ályaa?

• Haʼátʼíísh biniinaa yá biyiʼ ałʼąą ádaatʼéego nidaashchʼąąʼii yiitʼı̨́?

• Kééhonítʼínígi haʼátʼíísh nizhónígo nidaashchʼąąʼii yíníʼı̨́?

• Haʼátʼíísh biniyé ádayiilaaígíí hazhóʼó hádeilziid doo?