Diyin Bizaad ání Séítan éí Jiihóvah bidineʼé atííłʼı̨́ dóó nidahalneʼígíí yichʼįʼ nahwiiłʼnáa doo. (Joh 15:20; Re 12:17) Haitʼéego łah kéyahgóó Oodlánígíí bichʼįʼ nidahwiiʼnánígíí bíká adiilwoł? Bá sodadiilzin doo. “Diné tsʼídá tʼáá ákogi átʼéii bisodizin éí tʼáá íiyisí bidziilgo idééłní.”—Jas 5:16.

Haʼátʼíísh éí bá sodadiilzin doo? Jiihóvah bídeidíikił éí nihibrothers dóó nihisisters bidziilgo ádeiyósin doo. (Isa 41:10-13) Naatʼáanii bá sodadołzin áko Diyin Bizaad baa dahwiilneʼ dóó “hashtʼedadíníitʼéego índa kʼé daniidzingo Diyin God kʼehgo índa tʼáá ałtsojįʼ nihił daʼílı̨́įgo dahiniiʼnáa doo.”—1Ti 2:1, 2.

Paul dóó Peter atíbiʼdilyaa yę́ędą́ą́ʼ, Oodlání bízhiʼ bee dayózhíigo bá sodadoolzin. (Ac 12:5; Ro 15:30, 31) Azhą́ shı̨́ı̨́ atídabiʼdilʼínígíí bízhiʼ doo nihił béédahozin da ndi, éí bí áłah náʼádleeh doodaiiʼ bikéyah deiyiníijíigo bá sodadiilzin doo.