Jesus Dziłghą́ąʼdi Naʼneeztą́ą́ʼ, díí ání: “Tʼáadoo danohsingo bee dahinohnáa dooleełígíí bíká ádił nídahodołchiłí.” (Mt 6:25) Dííshjı̨́įdi Séítan binahatʼaʼígíí biyaa honiidlǫ́, éí biniinaa łahda ádił nídahodiilchił. Ákondi Jesus bikééʼ naakaiígíí éí tʼáadoo ayóó ádił nídahodołchiłí yee neineeztą́ą́ʼ. (Ps 13:⁠2) Haʼátʼíísh biniinaa? Azhą́ tʼáá ákwíí jı̨́ haʼátʼííshı̨́ı̨́ bídin daniidlı̨́į ndi, ayóó ádił nídahodołchiłgóó nanihiníłtłʼah. God biNahatʼaʼ alą́ąjįʼ ádeíníilzin yę́ę nihitsʼą́ą́ʼ neiníłtłʼah. (Mt 6:33) Jesus yee haadzííʼ yę́ę, éí doo ádił nídahodiilchił da doo yee nihíká adoolwoł.

• Mt 6:26—Tsídii hádeiziidgo haʼátʼíísh bitsʼą́ą́dóó bídahwiidiilʼááł? (w16.07-E 9-10 ¶11-13)

• Mt 6:27—Haʼátʼíísh biniinaa ayóó ádił nídahodołchiłgo nąąh nináhákaʼ? (w05-E 11/1 22 ¶5)

• Mt 6:​28-30—Chʼilátah hózhóón nidaniseʼígíí haʼátʼíísh bitsʼą́ą́dóó bídahwiidiilʼááł? (w16.07-E 10-11 ¶15-16)

• Mt 6:​31, 32—Jiihóvah Yá Dahalneʼé haitʼéego łahgóó ádaatʼé? (w16.07-E 11 ¶17)

Haitʼéego doo ádił náhodishchił da doo?