Matthew wóltaʼii 8 dóó 9 éí Gáliliidi Jesus nahasneʼ yę́ę baa hóoneʼ. Jesus éí diné nídayííłdzíiʼgo bibee adziil ííshjání áyiilaa. Beʼayóóʼóʼóʼniʼ dóó aa joobaʼ aláahdigo ííshjání áyiilaa.

1. Jesus éí diné łaʼ łóód atsʼíís yiyáanii bee bąąh dah hazʼánígíí náyííłdzííʼ.—Mt 8:​1-3

2. Jesus éí siláo binanitʼaʼí bá naalʼaʼí łaʼ náyííłdzííʼ.—Mt 8:​5-13

   Peter beʼasdzą́ą́ bimá níjííłdzííʼ.—Mt 8:​14, 15

   Níłchʼi bidaʼiiníziinii hayiʼdę́ę́ʼ hadeineeskaad dóó diné bitah dahoneezgaiígíí nídayííłdzííʼ.—Mt 8:​16, 17

3. Jesus éí níłchʼi bidaʼiiníziinii tʼáá íiyisí báhádzidgo éí bisóodi biyiʼ góneʼ ahonííłkaad.—Mt 8:​28-32

4. Jesus éí diné doo bitah nahwiiʼnánígíí náyííłdzííʼ.—Mt 9:​1-8

   Asdzání éí haʼééʼ yiyiiłtsood bee nídzoodzííʼ, dóó Jéíʼiras bitsiʼ nínéidiisá.—Mt 9:​18-26

   Diné doo daʼooʼı̨́ı̨́góó dóó doo yáłtiʼ da náyííłdzííʼ.—Mt 9:​27-34

5. Kin hadaasʼáágóó dóó kin naazhjaaʼgóó Jesus naʼneeztą́ąʼgo, diné naałniih bąąh dahólóonii dóó ka nidaakaígíí nídayííłdzííʼ.—Mt 9:​35, 36

Ayóóʼóʼóʼní dóó aa joobaʼ haitʼéego ííshjání áshʼı̨́?