Oodlání hooghandóó ániid naagháii nílı̨́įgo doodaiiʼ yíhoołʼaahii nílı̨́įgo baptism daatsʼí binahóʼá? Haʼátʼíí íiyisíí biniyé baptize ániʼdilnééh? Dedication dóó baptism binahjįʼ Jiihóvah áhánígo bił kʼé ahizhdiʼníigo haatʼih. (Ps 91:1) Díí tʼéiyá binahjįʼ yisdáhóótʼiʼ. (1Pe 3:21) Jiihóvah baa ádidíítʼáałgo baptize ánidiʼdoolníiłgi haitʼéego bíká ánítʼı̨́?

Tʼáá aaníigo naʼnitin doo nił naaki nilı̨́ı̨́góó ánílééh. Naʼídíkid nee hólǫ́ǫgo, hazhóʼó naniłkaah. (Ro 12:2) Doo yáʼádaatʼéehii tʼahdii bee nichʼįʼ anáhóótʼiʼgo éí hashtʼenilééh, áko Jiihóvah bił honíshǫ́ǫ doo. (Pr 27:11; Eph 4:23, 24) Jiihóvah níká adoolwołgi tʼáá ahą́ą́h biniyé sodílzin. Áko biníłchʼi diyinii nidziilgo ándoolííł áádóó níká análwoʼ doo, díí bee haʼíínílní. (1Pe 5:10, 11) Bidinilkaal yę́ę tʼáá ákónéehii doo. Jiihóvah bá naʼaʼaʼjí iiná éí tʼáadoo beełtʼéhí da!—Ps 16:11.

VIDEO JIIHÓVAH BIKÉÉʼ YISHÁAŁ DOO JINIIZĮĮHGO BAPTIZE ÁHOʼDIILʼĮĮH NIDÍÍŁKIŁ, ÁÁDÓÓ DÍÍ NDAʼÍDÍKIDÍGÍÍ BAA NÍDADÍITʼĮĮŁ:

• Ndanitłʼah yę́ę łaʼ haitʼéego yikʼeh dadeesdlı̨́įʼgo baptize ádabiʼdiilyaa?

• Haitʼéego neʼoodląʼ hodooleełgo Jiihóvah baa ádidíítʼááł?

• Łaʼ haʼátʼíí dabidiisnáaʼgo baptize ádabiʼdiilyaa?

• Jiihóvah bá naashʼaʼ doo danízinígíí haʼátʼíí bee bikʼidahojidlí?

• Dedication dóó baptism haitʼéego hweʼiinaʼ yáʼátʼéehgo áyiiłʼįįh?