Ahizhdiiʼáazhgo saad bee ałchįʼ hajoodzíʼígíí Jiihóvah éí baa hastiʼgo yinéłʼı̨́. Hastiin dóó asdzání ahizhdiiʼázhígíí éí ahił jiináa doo áádóó hatsʼíís tʼááłaʼí nahalin doo ní. (Mt 19:5, 6) Jiihóvah bidineʼé bitahgóó ląʼí nizhónígo ahínaaské. Ákótʼée ndi ahéʼéské tʼáá nantłʼa yileeh. Nantłʼa yileehgo nihokááʼjí nitsáhákees bikʼehgo éí tʼáá sahdii ałʼąą naaʼaash doodaiiʼ tʼóó ałtsʼánóhtʼaash dahaʼní. Oodlání jílı̨́įgo éí ahíjískéegi haitʼéego baa áhojilyą́ą doo?

Ashdlaʼgo baa hastiʼ sinil, éí baa nitsíníkees.

1. Flirting dóó entertainment badaaʼihii bitsʼąą nijéí baa áhólyą́, háálá kódaatʼéhígíí ahíjískéegi yihodidoołtʼihgo átʼé.—Mt 5:28; 2Pe 2:14.

2. Ahísółkéegi Jiihóvah bee bił honiilzhǫ́ǫ doo nohsingo éí kʼé bił ahidohníigi bidziilgo ádoohłííł.—Ps 97:10.

3. Jiihóvah nitsékeesgi índa ááníłígi átʼéego bee hadinééh, áko ajoobaʼ bee yáníłtiʼgo índa ááníiłgi éí nichʼooní bá yáʼátʼéeh doo.—Col 3:8-10, 12-14.

4. Saad tʼáá aaníí átʼéégóó bee ałchʼįʼ yáłtiʼígíí yáʼátʼéehgo íínóhsin.—Col 4:6.

5. Ayóóʼáhiʼjóʼníigo éí doo ałchįʼ ádaa jíchįʼ da.—1Co 7:3, 4; 10:24.

Oodlání danilínígíí éí ahéʼéské deidósin, háálá Jiihóvah ahéʼéské hayííłtʼiʼ áádóó ahéʼéské yidósin.

VIDEO TʼÁÁŁÁHÍGI ÁDEIITʼĮ́ĮGO HAʼAHÓNÍ BEE DEIDIILTIH—BIKʼEH ÁDAʼOOLNÍIŁII BIKʼEH HONÍŁʼĮ́ NIDÍÍŁKIŁ, ÁÁDÓÓ DÍÍ NDAʼÍDÍKIDÍGÍÍ BAA NÍDADÍITʼĮĮŁ:

• Azhą́ ahéʼéské nizhónígo haatʼih ndi, náásdóó nidantłʼaii haadaatʼéhígíí haleeh?

• Ahéʼéskéegi ayóóʼóʼóʼní nihee ádin danízinígíí, Diyin Bizaad binaʼnitin haitʼéego bíká adoolwoł?

• Jiihóvah éí ahéʼéské baa áháyą́ągi haitʼéego yee naʼnitin?

• Yáʼátʼéehgo ahísółkée doogo, tʼáá ánółah haʼátʼíí nihídéétʼiʼ?