JESUS BEDAʼIILʼĮ́ĮGO DAHINIIʼNÁ
Nináháháahgo Nitsaago Áłah Néidleehgi—Ayóóʼádaʼahííníiʼníigi Bahatʼaadí Ádeilʼı̨́
Haʼátʼíísh biniinaa nináháháahgo nitsaago áłah néidleehígíí ayóó baa nihił dahózhǫ́ǫ łeh? Ízrel dineʼé ałkʼidą́ą́ʼ ákótʼéego áłah nádleehgo Jiihóvah deidósingo yichʼįʼ nidahałáá ńtʼééʼ. Dííshjı̨́įdi nihí ałdóʼ tʼáá ákótʼéego tʼóó ahayóí mííl ánéelą́ągo bił daʼiiniidlánígíí bił áłah néidleeh. Bee nihił dahaneʼígíí ałdóʼ baa nihił dahózhǫ́ǫgo bee hwiih deidleeh. Nihikʼéí dóó nihikʼis ałdóʼ ákweʼé bił áłah niidlínígíí baa nihił dahózhǫ́. Yéigo baa ahééh niidzingo tágí jı̨́ áłah ílı̨́įgi neidáa doo.
Áłah aleeh bee nihá hooʼaahgo, tʼáadoo tʼáá ádíighahígo ádaa nitsíikeesí, ndi diné tʼáá ałtso ayóóʼííníiʼníigo baa nitsíkees doo. Dah díníídaałgi, tʼáadoo tʼáá sáhí ádaa nitsíikeesí doo. (Ga 6:10; Heb 10:24, 25) Nihibrother dóó nihisister baa jiiniibaʼgo dah dínóodaałgi índa dáádílkał bá ąą ádiilníiłgi baa ákoniidzin doo. (Php 2:3, 4) Nitsaago áłah aleehgi éí łaʼda nihikʼis ádiilníiłgi nihá ashjaʼósin. Program bee hahalzhíísh tʼáá bítséedi doodaiiʼ ííłtsogo doodaiiʼ ałníʼníʼą́ągo daʼjiyą́ągo éí doo bééhojísinígíí łaʼ bééhozhdoosįįł. (2Co 6:13) Hakʼis ájiilaaígíí éí hoolʼáágóó bił kʼé ahizhdiʼníi doo. Ayóóʼádaʼahííníiʼníigi dayooʼı̨́įgo łaʼda shı̨́ı̨́ nihitaʼ doogáałgo átʼé.—Joh 13:35.
VIDEO “AYÓÓʼÓʼÓʼNÍINII DOO NINÍTʼIʼ DA”! INTERNATIONAL CONVENTIONS NIDÍÍŁKIŁ, ÁÁDÓÓ DÍÍ NDAʼÍDÍKIDÍGÍÍ BAA NÍDADÍITʼĮĮŁ:
-
2019 international conventions daʼazlı̨́ı̨́ʼgóó haitʼéego delegates ayóóʼóʼóʼní bichʼįʼ ííshjání ádaalyaa?
-
Jiihóvah bidineʼé dah yikahgi łáʼí danilı̨́ dóó ayóóʼádaʼóʼní, éí haʼátʼíí biniinaa tʼáadoo beełtʼéhígóó baa hózhǫ́?
-
Governing Body danilínígíí éí Oodlání ídlı̨́įgi ayóóʼóʼóʼní haitʼéego yaa chʼídahwiizʼą́?
-
Conventionsdi ayóóʼóʼóʼní bééhózínígo ályaa yę́ęgi átʼéego, niísh éí haitʼéego neʼayóóʼóʼóʼní ííshjání íínísin doo?
Germany dóó South Koreadi, nihibrothers haitʼéego Oodlání bibee ayóóʼóʼóʼniʼ yee daʼahótąʼ?
-
Haitʼéego ayóóʼóʼóʼní bee ániitʼée doo?
