Tʼáá ákwíí jı̨́ haʼátʼíí bee nichʼįʼ anáhóótʼiʼ? Hooghan hazʼą́ągi daatsʼí bá sínízı̨́ áádóó ląʼígóó bee baa áhólyą́? Wołí bee ánítʼı̨́įgo daatsʼí tʼáá sáhí áłchíní níséh? Ániid nanináago bił daʼííníłtaʼígíí daatsʼí nídaʼatsʼih? Są́ doodaiiʼ ąąh dahazʼą́ daatsʼí bikʼee nitah doo hwiináa da? Tʼáá áníiltso anáhóótʼiʼ bił ahaa yiikah. Oodlání łaʼ ląʼí tʼáá łahjįʼ bee bichʼįʼ anídahaztʼiʼ. Kódahootʼée ndi, nihił béédahózingo éí tʼáadoo hodíínaʼí Jiihóvah nihíká adoolwołgo nihikʼi hodooldoh.—2Co 4:16-18

Nihikʼi hodooldoh tʼáá bítséedi díí baa ákoniidzin doo: Nihichʼįʼ nidahwiiʼnáa ndi wołí bee ádeitʼı̨́įgo Jiihóvah bikééʼ nisiidzı̨́įgi yaa ákonízin áádóó yaa ahééh nízin. Ayóó átʼéego nihikʼihojidlíi doo, éí nihibaʼ yisłá. (Jer 29:11, 12) Jesus ałdóʼ nihíneedlı̨́įgo nihikʼidéezʼı̨́ı̨́ʼ. Oodlání daniidlínígíí éí naanish nihaa dadeestʼánígíí łaʼ deilneʼgo Jesus “tʼáá áłahjįʼ nihił honishłǫ́” nihiłnínę́ę bee hadaʼííníilníi doo. (Mt 28:20) God biNahatʼaʼ binahjįʼ nihikʼi hodooldohígíí baa nitsíikeesgo éí nihił chohooʼı̨́ áádóó bee nihichʼįʼ anáhóótʼiʼii bichʼįʼ nihidziilgo ánihósin doo.—Ro 8:19-21.

VIDEO AYÓÓ ÁHODOONÍIŁGO NIHICHʼĮʼ HOOLZHISH, ÉÍ BĄĄ JESUS ÁÁTʼĮĮDÍGÍÍ BAA NITSÍNÍKEESGO ÁDÍÍNÍLZIN!—GOD BINAHATʼAʼ NIHIKʼIJIDLÍI DOO NIDÍÍŁKIŁ, ÁÁDÓÓ DÍÍ NDAʼÍDÍKIDÍGÍÍ BAA NÍDADÍITʼĮĮŁ:

• Bílaʼashdlaʼii haitʼéego God yitsʼá haaskai, éí biniinaa haitʼéego nihił hazʼą́?

• Jiihóvah yikʼeh dahółʼínígíí náasdi haitʼéego bił hazʼą́ą doo?

• Náasdi tʼáadoo beełtʼéhígóó iináa doo, éísh haitʼéego bohónéedzą́?

• Nahasdzáán ániidí ánályaago, bee akʼihojidlí haitʼéhígíí bibaʼ ánítʼé?