Dííshjı̨́įdi nihił hoogáałgi yáʼádaatʼéhígíí éí doo yáʼátʼéeh da dahaʼní, áádóó doo yáʼádaatʼéhígíí éí yáʼátʼééh dahaʼníigo baa ooldah. (Isa 5:20) Baa yíníiłgo, Jiihóvah yijoołáhígíí baa nidajikai. Díí éí hastóí dóó sáanii tʼáá bí ahaa nináldeeh ádaatʼéii. Nihaʼáłchíní éí óltaʼdi doodaiiʼ náánáłahdę́ę́ʼ kódaatʼéii atah baa naniná dabiłní. Haitʼéego éí nihaʼáłchíní kódaatʼéii yitsʼąą ádaa áhályą́ą dooleełgi bee nidadíníitįįł?

Jiihóvah yee hasʼáanii nihaʼáłchíní bee nidanohtin. (Le 18:3) Nihaʼáłchíní ił eshtéézh dólzingi hazhóʼó bee nidanohtin. (De 6:7) Díí baa nitsíníkees: ‘Ahíʼdílchid bá hazʼą́ągi, ééʼ hazhóʼó bee hadítʼéegi índa náánáłahdę́ę́ʼ privacy bá yaa ákonízinii, díísh shaʼáłchíní bee nanétą́ą́ʼ? Jiihóvah doo yáʼádaatʼééh yiłnínígíí łaʼda shaʼáłchíní kódíínííł doodaiiʼ dínííłʼįįł biłníigo, éísh dooda didooniiłgi bił bééhózin?’ Tʼáá íídą́ą́ʼ ádooníiłgi bił bééhózingo éí doo yikʼee tiʼhwiidoonih da. (Pr 27:12; Ec 7:12) Jiihóvah áłchíní yee nihikʼijisdliʼígíí ayóóʼííníiʼníigo éí naniitin doo.—Ps 127:3.

VIDEO HOOGHAN NÍZAADGÓÓ SIʼĄ́ĄGO ÁNÍLÉÉH—BĄĄHÍGÍÍ ÁDAATʼÉII NIHAA ÁŁCHÍNÍ BITSʼĄ́Ą́ʼ BAA ÁDAHOŁYĄ́ NIDÍÍŁKIŁ, ÁÁDÓÓ DÍÍ NDAʼÍDÍKIDÍGÍÍ BAA NÍDADÍITʼĮĮŁ:

• Haʼátʼíí biniinaa łaʼ baʼáłchíní sex yee yichʼįʼ hadadoodzihgi bá ndanitłʼah?

• Haʼátʼíí biniyé Jiihóvah bihashké naʼnitin haʼáłchíní bee nidazhʼnitin doo?—Eph 6:4

• Sex baa hastiʼ dóó dólzingi áłchíní bee nidínóotı̨́įłgi Jiihóvah biorganization éí haʼátʼíí amá dóó azhéʼé yá yisłá?—w19.05 12, box

• Tʼahdoo haada hanééh bítséedi, haʼátʼíí biniyé naʼáłchíní tʼáá ahąąh bichʼįʼ yáníłtiʼ doo?