HAʼÁTʼÍÍ BINIYÉ ÍLĮ́ĮGI BAA NITSÁHÁKEES: Diyin Bizaad nideiłkaahgo, tʼáá aaníinii “áníłtéelgi, áníłnéezgi, dego áníłtsogi índa íídéetą́ąʼgi” baa ákodaniidzin doo yee nihíká adoolwoł. (Eph 3:18) Azhą́ doo ákótʼéégóó nihił hoogááł ndi, nihaʼátʼeʼ ádaadingo yee nihíká adoolwoł. Áádóó “saad bee iináanii” yéigo deiyíníitąʼgo yee nihíká adoolwoł. (Php 2:15, 16) Diyin Bizaad deiyíníiltaʼgo, tʼáá hó jinízinígíí nijiłkaah doo. Haitʼéego Diyin Bizaad hazhóʼó deiyíníiltaʼ dóó nideiłkaah doo?

HAITʼÉEGO ÁʼDÍÍLÍÍŁ:

• Diyin Bizaad saad dah naazhjaaʼígíí bikááʼ daʼdíízoh dóó bíighahjígo bikʼidínítánígíí bikááʼ ádíílííł

• ‘Háí? Haʼátʼíí? Hádą́ą́ʼ? Háadi? Haʼátʼíí biniyé? Haitʼéego?’ bee ádaa naʼídídííłkił

• Tʼáá aaníinii bikʼídíníitááł. Research tools choiníłʼı̨́, nił bééhodoozįįłígíí doodaiiʼ Diyin Bizaad saad dah naazhjaaʼígíí bikʼídíníitááł

• Yíníłtaʼígíí hazhóʼó baa nitsíníkees áko bíhwiiniłʼą́ʼígíí choiníłʼı̨́į doo

• Tʼáá ákwíí jı̨́ bíhwiiniłʼą́ʼígíí choiníłʼı̨́į doo.​—Lu 6:47, 48

VIDEO YÉIGO DEIYÍNÓOHTĄʼ​—DIYIN BIZAAD NIDAOŁKAAHGO BEE NANINÉ, ÁÁDÓÓ DÍÍ NDAʼÍDÍKIDÍGÍÍ BAA NITSÍDEIKEES DOO:

• Naalkaahígíí haʼátʼíísh óolyé?

• Tʼahdoo nideilkaahgo, haʼátʼíísh biniyé áłtsé sodadiilzin?

• Diyin Bizaad biiʼdę́ę́ʼ bikʼidiʼdiitı̨́ı̨́łígíí haʼátʼíí yee nihíká adoolwoł?

• Diyin Bizaad naniłkaahgo, haitʼéego color-code system choidííłʼįįł?

• Haʼátʼíísh biniyé deiyíníiltaʼígíí hazhóʼó baa nitsídeikees doo?

• Haitʼéego bídahwiilʼą́ą́ʼígíí chodeidiilʼįįł?