Jesus daaztsánę́ę béédeilniihgo éí náásgóó yáʼátʼéehgo nihá áhodooníłígíí bíká dadíníitʼı̨́ı̨́ʼ. Éí nályééh binahjįʼ nihá chohooʼı̨́, łaʼ bíká dadíníitʼı̨́ʼígíí éí nááʼdiijeeh. Jiihóvah éí aniné, bílaʼashdlaʼii doo yił áyiilaa da. Éí biniinaa háiida ayóóʼííníiʼnínígíí nihitsʼą́ą́ʼ ádin yileehgo, éí tsʼídá aláahdi bikʼeʼíyéeʼii átʼé. (1Co 15:26) Jesus éí bídahoołʼaahii bikʼis Lázaras bitsʼą́ą́ʼ ádingo, yaa yínííł silı̨́ı̨́ʼ. (Joh 11:33-35) Jesus éí tʼáá íiyisí bizhéʼé Jiihóvah yenáłtʼé, éí biniinaa yínííł niidlı̨́įgo, Jiihóvah ayóó nihaah bíneʼ łeh. (Joh 14:7) Jiihóvah éí bidineʼé daneeznáádę́ę́ʼ nínéiididoołjahgo tʼáá íiyisí yíká déezʼı̨́ı̨́ʼ, nihí ałdóʼ ákóniitʼée doo.—Job 14:14, 15.

Jiihóvah éí tʼáá ałtsoní tʼáá ákogi átʼéego ííłʼı̨́. Éí binahjįʼ nihił bééhózingo nááʼdiijeeh éí hazhóʼó íidoolííł. (1Co 14:33, 40) Éí ánáánádin doo haʼníi da doo, ndi náádabiʼdiiljeehígíí biniyé bíká hashtʼeʼ ádadohʼnééh nihidiʼníi doo. Yínííł nílı̨́įgo, nááʼdiijeeh nihá nihił chohooʼínígíísh baa nitsíníkees łeh? (2Co 4:17, 18) Diyin Bizaad éí nályééh binahjįʼ nááʼdiijeeh ní, éí Jiihóvah bichʼįʼ baa ahééh nínízinígíísh bee bił náhálnih?—Col 3:15.

• Daneeznánígíí nináhaskaigo háíshąʼ íiyisíí néidííłtsééł nínízin?

• Diyin Bizaad biiʼ diné baa chʼídaastʼánígíí, háiidígíí lá bééhodíísįįł nínízin?