DÍÍ BINAHJĮʼ HAZHÓʼÓ NAʼNÍTIN DOO
Hazhóʼó Nahólneʼ Doo
HAʼÁTʼÍÍ BINIYÉ ÉÍ ÍLĮ́ĮGO BAA NITSÁHÁKEES: Naaltsoos bee íhooʼaahígíí biiʼdóó bikʼehgo nidahodiilnihígíí dahólǫ́. Naaltsoos bíʼoolkąąhígíí yíníłtaʼ bikéédóó baa ntsídííkos, éí binahjįʼ tʼáá ni haitʼéego ádidííniiłígíí ádíílííł. Áádóó video ałdóʼ níká adoolwołgo átʼé. Éí tʼáá átʼé choidííłʼįįłgo átʼé, éí łaʼ bikʼehgo áʼdíílíłígíí wóyahgi ná dabikááʼ.
HAITʼÉEGO ÁʼDÍÍLÍÍŁ:
Díí naʼádílkid, ‘Bikʼehgo nahodoonihígíísh łaʼ choideeshʼįįł nisin?’
AOOʼ
-
Tsʼídá áłtsé bee hadíídzihígíí hashtʼe nilééh. Yáʼátʼééh dííníniid bikéédóó, íiyisí biniyé yíníyáhígíí bee bił hodíílnih. (Díí ádidííniił da: “Biniyé níyáhígíí éí . . .”)
-
Bínaʼídéékidígíí éí Diyin Bizaad łaʼ haadzooígíí dóó bíʼoolkąąhígíí haitʼéego bił ahiih dííniłígíí baa nitsíníkees. (Diyin Bizaad biiʼdóó łaʼ baa chʼíhoníʼaahgo, díí ádidííniił da: “Éí bínaʼídéékidígíí kweʼígi hazhóʼó yaa halneʼ.”)
NDAGAʼ
-
Naaltsoos bíʼoolkąąhígíí biiʼdóó nił yáʼátʼéhígíí dóó nahólneʼígi yaa nitsídaakeesígíí, łaʼ choidííłʼįįł biniyé baa nitsíníkees doo
-
Bił nahodíílnihígíí naʼídíkid hazhóʼó bá baa nitsísíníkéézígíí nabidídííłkił
-
Diyin Bizaad łaʼ biiʼdóó saad haadzooígíí bichʼįʼ yídííłta nínízinígíí bá baa nitsíníkees doo
-
Bił nahólneʼígíí haitʼéego naaltsoos bíká adoolwołgi bá baa nitsíníkees. Áádóó éí bá baa nitsísíníkéezgo bił chʼídííʼááł nínízinígíí, bá hashtʼe díílííł
IN EITHER CASE
-
Háiida łaʼ naʼídíkid bił baa nínáádíitʼįįł biniyé łaʼ bá hashtʼe díílííł
-
Ádidííniiłígíí éí naaltsoos bikááʼ ádíílííł, éí binahjįʼ béénílniih doo
