Łaʼ Diyin Bizaad deiyídóołtahgi bá ndanitłʼah łeh, áko naaltsoos God Yíísíníłtsʼą́ą́ʼ biiʼ ndaʼashchʼąąʼígíí bíká adoolwoł biniyé ályaa. Bíhwiidooʼáałii éí naakigo ahiltáád bikáaʼgi ndaʼashchʼąąʼ, éí baa náhódóotʼįįłígíí nizhónígo ałkééʼ dahoníʼą́ągo niiʼnil.

Naaltsoos God Yíísíníłtsʼą́ą́ʼ áko Hoolʼáágóó Hinínáa Doo dóó God Yíísíníłtsʼą́ą́ʼ tʼáá aheełtʼéego bikááʼ ndaʼashchʼąąʼ. Ndi, áłtséhígíí éí tʼáá ląʼígo saad bikááʼ áko ídahoołʼaahii tʼáá yédígo daʼółtaʼígíí chodeiyoołʼı̨́. Naʼnitinii éí naaltsoos saad ląʼí biiʼígíí choyoołʼı̨́į łeh, áádóó nideinitinígíí éí łahda naaltsoos God Yíísíníłtsʼą́ą́ʼ chodeiyoołʼı̨́į łeh. Naʼnitinii naaltsoos choyoołʼínígíí éí biiʼ box daalgai léiʼ ałdóʼ bił baa nídíitʼįįłgo átʼé.

Díí tʼáá áłah naaltsoos tʼáá ni nízingo choiníłʼı̨́į doogo átʼé, azhą́ shı̨́ı̨́ éí yiziłgo doo naaʼniih da ndi. Naʼnítingo, nidaʼashchʼąąʼígíí choiníłʼı̨́įgo Diyin Bizaad biiʼ ádahóótʼįįdígíí bee bił chʼídííʼááł. Nanítinígíí éí naʼídíkid bił choiníłʼı̨́įgo éí akʼiʼdiitą́ daatsʼíhígíí nił bééhodoozįįł. Diyin Bizaad wóyahdi hadasdzooígíí tʼáá ałtso yídóołta, áádóó baa nídóohtʼįįł. Díí naaltsoos ałtso yitsʼą́ą́dóó íhoołʼą́ąʼgo, éí bíkéédóó Diyin Bizaad Nanihinitingo Átʼé bee nináádíníítı̨́ı̨́ł. Díí binahjįʼ baptism yaa dínóosééł biniyé choidííłʼįįł.