Video deiníłʼínígíí yee hazhóʼó yinéłʼı̨́įgo yikʼididootı̨́įłgo yénálniih doo. Jiihóvah éí daatʼínígíí yee naʼnitin. (Ge 15:5; Jer 18:1-6) Tʼáá ákótʼéego Jesus ałdóʼ nizhónígo naʼneeztą́ą́ʼ. (Mt 18:2-6; 22:19-21) Łaʼ danílʼínígíí bee akʼiʼdidootı̨́ı̨́łígíí éí video. Daʼ video choiníłʼı̨́įgo bee naʼnitin?

10 videos éí naaltsoos God Bitsʼą́ą́dę́ę́ʼ Nizhónígo Haneʼ! nihá ályaa bee nidaʼniitin doo. Video title ádaalyaaígíí éí naaltsoos biyiʼ bąą naʼídíkidígíí tʼáá bił aheełtʼé. Digital version éí video hahgo bichʼįʼ ííshjání ádíílíiłgo yéénihiyiiłnííh. Náánáłaʼ videos éí naaltsoos ałʼąą ádaatʼéii nihiToolbox Biiʼ Bee Naʼnitiní dabiyiʼ.

Diyin Bizaad biyiʼdóó baa haneʼígíí íhoołʼaahii łaʼísh doo yikʼidiitįįh da? Doodaiiʼ daatsʼí tʼáá haʼátʼíhída bee achʼįʼ anáhóótʼiʼ? Videos jw.org® biiʼ doodaiiʼ JW Broadcasting® daabiiʼ bíká adoolwołígíí hádíníʼı̨́ı̨́ʼ. Nááná ałdóʼ íhoołʼaahígíí video bił dínííłʼı̨́įłgo áádóó bił baa nídíítʼįįł.

Tʼáá nináhidizííd, videos ániid ádaalyaaígíí nihichʼįʼ ííshjání ádaalneʼ. Éí níníłʼı̨́įʼgo, haitʼéego choideeshʼįįł baa nitsíníkees.