JW Library éí tʼáá jííkʼe software app átʼé. Éí Diyin Bizaad, naaltsoos, ndaalkidígíí dóó dajíistsʼą́ą́ʼígíí, niphone, nitablet, doodaiiʼ nicomputer da, biijįʼ download ádadíílííł.

HAITʼÉEGO ÉÍ ÁZHDOOLÍÍŁ: Internet aa ádíílííł, áádóó app store biiʼdóó JW Library install ádíílííł. Éí app, device ałʼąą ádaatʼéhígíí bá dahólǫ́. Device naniʼáhígíí biijįʼ Internetdę́ę́ʼ app aa ádíílííł, áádóó nínízinígíí download ádíílííł. NiInternet ádingo éí Kingdom Halldi, librarydi, doodaiiʼ gohwééh daadlánígóó da choidííłʼįįł. Download íʼiinilaa bikéédóó éí Internet tʼáágééd ndi choiníłʼı̨́į doogo átʼé. Ákondi JW Library biijįʼ tʼáá ahąąh ániid hanáádahaneezdeeʼígíí dahólǫ́ǫ łeh. Áko Internet biijįʼ tʼáá baa ninánítaahgo app updates, install ánánílʼįįh doo.

HAʼÁTʼÍÍSH BINIINAA DÍÍ CHOINÍŁʼĮ́Į DOO? JW Library bee doo nanitłʼagóó Diyin Bizaad bíhooʼaah, dóó áłah néiidleehgi ayóó chooʼı̨́. Ndahwiilneʼgóó ałdóʼ nizhóní. Informal witnessing ájíléehgo íiyisí ayóó áká análwoʼ.