Diyin Bizaad bee nidaniitinígíí éí haneʼ yikʼiʼdidootı̨́ı̨́ł biniyé íiyisíí áhyiłnínígíí bił ííshjání ádeilneʼ doo. Íiyisíí áhyiłníigi naashchʼąąʼ nahalingo bee nazhʼnitingo éí bijéí yidiyoołnááł áádóó yíhoołʼą́ʼígíí yénálniih doo.

Diyin Bizaad bee naʼnítin biniyé hashtʼedinéehgo, áhyiłnínígíí ííshjání ádíílíłígíí hádíníʼı̨́ı̨́ʼ, doo ayóó áká adoolwołígíí éí ndagaʼ. Ninaagóó iiná ádaalʼı̨́įgi éí haneʼ bee akʼidiʼdootı̨́įłii ádanileʼ. (Mt 5:14-16; Mr 2:21; Lu 14:7-11) Níístsʼą́ʼígíí haitʼéego beʼiinaʼ yoołtʼihígíí bá baa ákonínízin. (Lu 5:2-11; Joh 4:7-15) Bił ííshjání íinilaaígíí yaa bił hóózhǫǫdgo, ni ałdóʼ nił hózhǫ́ǫ doo.

VIDEO DRAMATIZATION NIŁ HÓZHǪ́ǪGO ÍDAHOOŁʼAAHII ÁNÍLÉÉH—HAZHÓʼÓ NAHÓLNEʼ DOO—HANEʼ BEE AKʼIDIʼDOOTĮ́ĮŁII ÁNÍLÉÉH NIDÍÍŁKIŁ, ÁÁDÓÓ DÍÍ NDAʼÍDÍKIDÍGÍÍ BAA NÍDADÍITʼĮĮŁ:

• Ídahoołʼaahígíí haʼátʼíí biniyé Diyin Bizaad biiʼ saad dah naazhjaaʼígíí yikʼidiʼdootı̨́įłgi bee bíká ajilwoʼ?

• Neeta haitʼéego Romans 5:12 bikʼiʼdidootı̨́įłgo áyiilaa?

• Haneʼ bee akʼiʼdiitįįh nizhónígo chooʼı̨́įgo, daʼíistsʼą́ʼígíí haitʼéego tsídadikos?

• Nidahwiilneʼgo, haʼátʼíí biniyé Jiihóvah biorganization videos dóó bee naʼnitin nihá yisnilígíí chodeilʼı̨́?