Hashké haʼníigo éí naʼnitin ááhyiłní áádóó łahda saad bidziil bee hashtʼeʼ nináʼdoodlóós biniyé bee haʼadzih. Jiihóvah hashké yee nanihinitin, áko dadííníilzinígíí nihá yidínóozįįł. (Ro 12:1; Heb 12:10, 11) Łahda hachʼįʼ haʼadzihgo bikʼee jishchʼíiʼ łeh, ákondi éí tʼáá ákogi éʼétʼé dóó akʼihojidlí bitsʼą́ą́dóó hólǫ́. (Pr 10:7) Hashké bee nidazhʼnitinígíí áádóó nidahoʼdintinígíí haʼátʼíí béédajilniih doo?

Hashké bee nazhʼnitinígíí. Elders, azhéʼé dóó amá dóó náánáłaʼ nidaʼnitinígíí éí Jiihóvah nahalingo aa joobaʼ dóó ayóóʼóʼóʼní bee nidazhʼnitin. (Jer 46:28) Ayóóʼóʼóʼní nidabiiłnáago saad bidziilii yee hashtʼe nináʼiidlóós.—Tit 1:13.

Bichʼįʼ haʼoodzíʼígíí. Tʼáá áníiltso nidaʼiyiilzííh, áko hashké naʼnitin nihídadéétʼiʼ. Hashké bee naʼnitin doo nił yáʼátʼéeh da ndi, tʼáá ákǫ́ǫ́ bikʼehgo áánííł. (Pr 3:11, 12) Diyin Bizaad biiʼdę́ę́ʼ doodaiiʼ áłah néidleehgi hashké bee naʼnitinii didíítsʼı̨́ı̨́ł. Łaʼ éí judicial committee bichʼįʼ hadaadzih. Hashké naʼnitin bikʼeh hojíłʼı̨́įgo éí iiná yáʼátʼéehii índa doo ninítʼiʼii nízhdidoolééł.—Pr 10:17.

VIDEO JIIHÓVAH ÉÍ “AYÓÓʼÁYÓʼNÍINII TʼÁÁ HASHKÉE NEINITIN” NIDÍÍŁKIŁ, ÁÁDÓÓ DÍÍ NDAʼÍDÍKIDÍGÍÍ BAA NÍDADÍITʼĮĮŁ:

• Canon haitʼéego hayaa hooʼaʼ áádóó jiináagi haitʼéego łah ádzaa?

• Ayóóʼóʼóʼní bee Jiihóvah haitʼéego hashké yee nahoneeztą́ą́ʼ?

• Ájiidzaaígíí haʼátʼíí bitsʼą́ą́dóó bídahwiidiilʼááł?