Naaltsoos Bee Naʼnitinii éí nizhónígo ałkééʼ nínilgo, Diyin Bizaad biiʼdóó tʼáá aaníinii yee naʼnitin. Éí endnotes bee dahólǫ́, ákweʼé łaʼ saad áhyiłnínígíí hazhóʼó ííshjání ádaalneʼ. Tʼáá aaníí ádaatʼéii biyaagi, éí íiyisí baa dahóoneʼ yę́ę hazhóʼó baa chʼínídaastʼą́. Naaltsoos Bee Naʼnitinii tʼáá áłahjįʼ choiniilʼı̨́į doogo átʼé. Naʼniitingo, díí naaltsoos lá haitʼéego choidiilʼįįł?

TʼÁÁ AANÍÍ ÁDAATʼÉII: Áłtsé éí saad dashijaaʼígíí nídayíilta, áádóó naʼídíkid bídadéétʼiʼígíí bínabídíilkiʼ. Łaʼ éí saad doo ayóó yikʼidaʼdiitįįh da łeh, doodaiiʼ doo ayóó daʼółtaʼ da łeh. Ákótʼéé lágo éí díí tʼáá aaníí ádaatʼéii da bee nabidiníítı̨́ı̨́ł. Éí da biniinaa ałtso yídéeshta dínóozįįłgo átʼé. Diyin Bizaad biiʼdóó tʼáá aaníí ádaatʼéii tʼááłáʼígo saad dashijaaʼígíí éí 15 dah alzhinjįʼ baa náhátʼı̨́įgo bíighah. Tʼáá aaníí ádaatʼéii, doo tʼáá ałtsoní bíhwiidooʼáłígíí dabikáaʼ da. Éí biniinaa nanítinígíí hazhóʼó baa nitsíníkeesgo biniyé bá hashtʼeʼ ádidííʼnííł. Naʼnitinii ałtso naʼneeztą́ą́ʼ bikéédóó, éí tʼáá aaníí ádaatʼéii biiʼdóó yił yaa nínáádóotʼįįł.

ENDNOTES: Éí biiʼ saadígíí dóó baa náhátʼínígíí tʼáá bíhooʼaahígi átʼéego ałkééʼ nínil. Nahalneʼii éí naaltsoos Bee Naʼnitinii biiʼ, endnotes choidoołʼįįł.