HAʼÁTʼÍÍ BINIYÉ ÍLĮ́ĮGO BAA NITSÁHÁKEES: Dííshjı̨́įdi nidahwiilneʼgóó béésh bee haneʼé chodeilʼı̨́įgo nidahwiilneʼ. (Ac 20:24) * Łaʼda baa diidáałgo bił hodiilnihgi doo nihá bíighahgóó béésh bee haneʼé chodeilʼı̨́į doo.

HAITʼÉEGO ÁʼDÍÍLÍÍŁ:

• Baa yádiiltihígíí hashtʼedíílííł. Haʼátʼíí shı̨́ı̨́ aláahdi bił yáʼátʼéhígíí bił chʼídííʼááł. Ádidííniiłígíí naaltsoos bikááʼ ádíílííł. Answering machine nichʼįʼ haadzíiʼgo biniyé call íinilaaígíí bee bił hodiilnih. Bikááʼ adání bichʼįʼ dah sínídáago, naaltsoos íinilaa yę́ę níighahgóó nidíínił dóó JW Library^® índa jw.org^® ałdóʼ

• Nił Hodéesyéél. Tʼáá ni yáníltiʼígíí átʼéego, kʼé nínídzingo dóó bidááhdę́ę́ʼ sínízı̨́ nahalingo bił nahólneʼ. Nízaadgóó doo handziihgóó bitsʼąą ánítʼé. Bił nahólneʼígíí łahda nanídééłkidgo éí hazhóʼó bee hanáádíídzihgo éí bił naniʼaashígíí yee níká adoolwoł

• Bił baa nínáádíitʼįįłígíí bił hodiilnih. Díí yíneedlı̨́įgo, naʼídíkidígíí łaʼ bił hodiilnih, áko bichʼįʼ nááhwiinilneʼgo nabídííníłkid yę́ę éí bił baa nídíitʼįįł. Naaltsoos doodaiiʼ video bichʼįʼ ádíílííł, éí doodaiiʼ akǫ́ǫ́ díínáałgo baa dííłtsos. Tʼáá bá bíighahgo website bee bił hodiilnih