Jesus éí “Diyin God bee bóhólníihgo bił hazʼáanii” yaa nahasneʼ. (Lu 4:43) Kótʼéego bíká sodadołzin níigo naʼneeztą́ą́ʼ. (Mt 6:​9, 10) Novembergo, wołí bee ádeitʼı̨́įgo God bee bóhólníihgo bił hazʼáanii baa dahwiilneʼ doo. (Mt 24:14) Campaign bá hwiidííłʼaał áádóó atah nahodiilnih. Auxiliary pioneer danilínígíí éí 30 doodaiiʼ 50 hours nidahozhdoolnih.

Diyin Bizaad God bee bóhólníihgo bił hazʼáanii yaa halneʼígíí ląʼí diné bee bił hodiilnih. Bidaʼoodląʼígíí baa ákodíníizįįł, áadi índa saad dashijaaʼígíí bichʼįʼ yídííłtah. Háiida haneʼ bił yáʼátʼéehgo éí The Watchtower public edition No. 2 2020 baa dííłtsos. Tʼáadoo hodinaʼí baa náádíídááł áádóó Toolbox Bee Naʼnitinii biiʼdę́ę́ʼ naaltsoos łaʼ bee nidíníítįįł. God biNahatʼaʼ éí nihookáaʼgi nahatʼaʼ bikʼijįʼ danilínígíí ałtso íidoołdįįł, díí kʼadę́ę baa hoolzhiizh. (Da 2:44; 1Co 15:​24, 25) Jiihóvah dóó biNahatʼaʼ bikééʼ siidzı̨́įgi baa hwiilneʼ dooígíí biniyé nihá hooʼaʼ!