Háázhdínídzihgo: Ałtso baa hodeeshnih, tʼáadoo níníziní. Jesus éí yaa yáłtiʼígíí diné hazhóʼó yikʼiʼdidootı̨́ı̨́ł biniyé naʼídíkid choyoosʼįįd. (Mt 17:24-27) Naʼídíkid binahjįʼ nanitinígíí nabídíłkidgo éí, yoodlánígíí dóó yikʼiʼdiitánígíí béédahodoozįįł. (be-E 253 ¶3-4) Nabídíłkidgo nił náhodoolnihígíí tʼáadoo bąą tsı̨́ı̨́ł nilíní. Naʼídíkid yę́ę doo hazhóʼó yikʼiʼdiitą́ą́góogo, éí doo tʼóó bee bił hodiilnih da. Ákondi naʼídíkid łaʼ chonáánéiidííłʼįįł. (be-E 238 ¶1-2) Nanitinígíí hazhóʼó akʼiʼdidootı̨́ı̨́ł biniyé tʼáadoo tsxı̨́įłgo yáníłtiʼí.—be-E 230 ¶4.

Nantłʼago Naʼnitin: Baa naʼnitinígíí tʼáá ałtsojįʼ baa hoolneʼ lágo. (Joh 16:12) Saad dah shijaaʼ bídéétʼiʼígíí tʼéiyá bił baa nánítʼı̨́. (be-E 226 ¶4-5) Tsʼídá tʼáá ałtsojįʼ baa hozhdoolnihígíí éí doo bíighah da, azhą́ shı̨́ı̨́ ayóó bóhoneedlı̨́į ndi. (be-E 235 ¶3) Íiyisí baa haneʼígíí yikʼiʼdiitą́ągo saad dah náánázhjaaʼígíí bił baa nínáádíitʼįįł.

Nanítinígíí Tʼóó Bił Náhojiłąąhgo: Yíhoołʼaahígíí bijéí yididoołnáałgo éí bíká íitʼį. (Lu 24:32) Baa íhooʼaahígíí biiʼ, God Bizaad choiníłʼı̨́įgo íiyisí baa haneʼígíí bééhózínígo ádíílííł. (2Co 10:4; Heb 4:12; be-E 144 ¶1-3) Haneʼ bee akʼiʼdidootı̨́įłii choiníłʼı̨́. (be-E 245 ¶2-4) Nanitinígíí éí yoodlánígíí dóó yaa nitłʼaaígíí bá baa nitsíníkees. Áádóó baa íínółtaʼígíí biiʼ, bíká adoolwołgo bił ííshjání ádíílííł. Naʼídíkid díí ádaatʼéhígíí da choidííłʼįįł: “Díí bíhoołʼaahígíí haash yitʼéego baa nitsíníkees?” “Jiihóvah baa íhooʼaahgi haʼátʼíísh yee nashinitin?” “Éí ánínígíí bikʼeh áshtʼı̨́įgo haash yitʼéego shíká adoolwoł?”—be-E 238 ¶3-5; 259 ¶1.