JESUS BEDAʼIILʼĮ́ĮGO DAHINIIʼNÁ
Áłchíní Łaʼ Dáádílkał Ąą Áyiilaa Ládą́ą́ʼ
Áłchíní łaʼ dáádílkał ąą áyiilaa ládą́ą́ʼ, bimá dóó bizhéʼé bichʼįʼ hadiidzih biniyé bínabididííłkił. Díí éí bimá dóó bizhéʼé biʼóhólnííh baa ákonínízinígíí éí bééhózíní doo. (Pr 6:20) Áłchíní łaʼ wóshdę́ę́ʼ nidííniidgo éí, nimá dóó nizhéʼé áłtsé bił hólneʼ bididííniił. Bimá dóó bizhéʼé doo sikéégóó éí tʼah índa nídíídááł.
Nooséłí nilı̨́įgo éí ałdóʼ tʼáá ákótʼéego bimá dóó bizhéʼé bínabididííłkił. Shimá dóó shizhéʼé doo sikée da dííniidgo éí díí nabididííłkił: naaltsoos tʼáá ní nínízinígíísh yíníłtaʼgo ná yee hasʼą́. Aooʼ nidííniidgo éí naaltsoos naniniihígíí baa dííłtsos doodaiiʼ jw.org dínííłʼįįł da bididííniił.
Nooséłí bił hwiilneʼígíí bił yáʼíítʼéeh ládą́ą́ʼ, biniinaa baa náánéínídzáago éí: “nimá dóó nizhéʼé ałdóʼ bił ahééh hódeesįįł” bididííniił. Ákwíindzaago éí Diyin Bizaad binaʼnitinígíí bił ííshjání ádiilnííł. (Ps 119:86, 138) Amá dóó azhéʼé nihił nilı̨́įgo baa nitsíikeesígíí éí tʼáá ííshjání doo. Ákótʼéego éí haneʼ yáʼátʼéehii bił ílı̨́įgo da, yaa ntsídookos.—1Pe 2:12.