Jesus éí Samériya asdzání yáʼátʼéehgo yił nahasneʼ biniinaa nizhónígo neineeztą́ą́ʼ. Haitʼéego yáʼátʼéehgo diné bił ałchʼįʼ yéiiltiʼgo hazhóʼó bee ndadíníitı̨́ı̨́ł?

• Náʼáhwiinítʼı̨́ʼígo diné bichʼįʼ yáníłtiʼ. Azhą́ shı̨́ı̨́ Jesus chʼééh deeyáa ndi, asdzání bił hodeeshnih nízin, áko, ‘Tó łaʼ shaa níkaah,’ yiłní. Jesus nahalingo nihí ałdóʼ nihá áhwiinítʼı̨́įgo, “Yáʼátʼééh, háádę́ę́ʼ naniná?” diiʼníi doo, doodaiiʼ ádahooníłígíí baa yéiiltiʼ doo. Béénílniih, diné tʼóó bił nahodeeshnih nínízin, áko tʼáá bí yíneedlínígíí éí bee bił nahodiilnih. Doo hachʼįʼ yáłtiʼ da ndi, éí tʼáá áko. Náánáłaʼda shı̨́ı̨́ bichʼįʼ hanáádíídzih. Jehovah doo náhinisyéésgóó áshíínísin bididiiʼniił.​—Ne 2:4; Ac 4:29.

• Diné haneʼ yáʼátʼéhígíí bee bił hodiilnihgo biniyé hashtʼeʼádíínílzin, tʼáadoo tsxı̨́ı̨́ł nínízin. Tʼóó hazhóʼó bichʼįʼ yáníłtiʼ. Tsxı̨́ı̨́ł nínízingo éí diné doo nichʼįʼ yáłtiʼ da dooleeł. Tʼáadoo diné Diyin Bizaad bee bił hwiinilneʼ da ndi, tʼáadoo bikʼee haa danitʼehí. Haneʼ yáʼátʼéhígíí diné bee bichʼįʼ yáníłtiʼgo tʼáadoo bikʼee nił yéʼí, éí ndi Diyin Bizaad tʼáágééd bichʼįʼ yáníłtiʼ. [Video 1 bee naniné dóó baa nídadíitʼįįł.]

• Bichʼįʼ yáníłtiʼgo, Diyin Bizaad daatsʼí bee bił hodiilnih. Neʼoodląʼ baa yáníłtiʼgo éí haʼátʼíí biniyé yinídlánígíí bee bił hodiilnih. Jesus ádííniid yę́ę binahjįʼ éí asdzání yaa nitsékeesgo naʼídíłkid. Haneʼ yáʼátʼéhígíí yaa hólneʼ yę́ę éí naʼízhdééłkid yee hachʼįʼ ííshjání áyiilaa. [Video 2 bee naniné dóó baa nídadíitʼįįł, áádóó video 3 bee naniné dóó baa nídadíitʼįįł.]