6:9-11, 25-27, 54, 66-69

Jesus haneʼ bee akʼiʼdidootı̨́įłii yee naʼnitingo łaʼ bídahoołʼaahii bikʼidiʼdootı̨́ı̨́łígíí bá nidanitłʼago biniinaa doo łaʼ hakééʼ deíkáah da daazlı̨́ı̨́ʼ. Łaʼ yiską́ bikééʼdóó, Jesus diné tʼóó ahayóí bazhníłtsood éí binahjįʼ God beʼadziil bee ííshjání áyiilaa. Haʼátʼíísh dahoneestłʼah? Tʼáá ádíighahígo ádaa nitsídajikees éí shaʼdoolyééł dazhnízingo Jesus bikééʼ nidajikaii ńtʼééʼ.

Díí baa nitsíikees doo: ‘Haʼátʼíí biniinaa Jesus bikééʼ yishááł? Tʼáadoo leʼé kʼad dóó náasdi bee nihikʼihwiizhdoodleełii tʼéiyá biniyé daatsʼí? Jiihóvah ayóóʼííníshʼníigo biniinaa dóó bikʼeh honishʼı̨́į dooleełísh nisin?’

Díí tʼéí biniyé Jiihóvah bá neilʼaʼgo éí haʼátʼíísh danihidínóołtłʼah?

• God bidineʼé bił dahoniidlǫ́ǫgo baa nihił dahózhǫ́

• Nahasdzáán ayóó áhonóolingo bikááʼ kéédahoniitʼı̨́į doo daniidzin