HAʼÁTʼÍÍ biniyé Jesus nahasdzáán bikáajįʼ abiʼdoolʼaʼ? Tʼáá bí éí kódííniid, Diyin God biNahatʼaʼ “baa haneʼ . . . biniyé shiʼdeelʼaʼ.” (Luke 4:43) Jesus éí God biNahatʼaʼ yee naʼneeztą́ʼígíí dı̨́įʼgo dadíníilʼįįł, éí díí Nahatʼaʼígíí íiyisíí yaa nahasneʼ.

1. Jesus éí Naatʼáanii dooleeł biniyé nábiʼdiiltı̨́. Mesáíyah doogááł haʼnínę́ę, éí Jesus shí áshtʼı̨́ dííniid. (John 4:25, 26) Áádóó God yá halneʼii Daniel, Naatʼáanii hoł ííshjání ályaago yiyiiłtsánę́ę, éí Jesus shí áshtʼı̨́ ałdóʼ jidííniid. Jesus éí daalʼaadii ííłní, bikááʼdóó “nahatʼáii bitsʼádiʼnílíidii” bikááʼdóó dah dínéeshdaał, áádóó nihí ałdóʼ bikááʼdóó dah nisoodáa doo. (Matthew 19:28) Díí dahwéeʼaahgo dah yikahígíí éí “shidibé chʼı̨́dí” yił ní, dibé áłchʼı̨́dígo jiníigo óolyé. Áádóó ałdóʼ “dibé náánáłaʼ,” shee nááhódlǫ́ ndi díí dibé áłchʼı̨́dígo shijéʼígíí doo bitahdóo da.​—Luke 12:32; John 10:16.

2. God biNahatʼaʼ éí tʼáá ákogi éʼétʼéii yee hasʼą́ą doo. Séítan éí Íídendi Jiihóvah God bízhiʼ ayóó átʼéego jííłchxǫʼ. Ákondi God biNahatʼaʼ bee God bízhiʼ dílzingo ánídoolnííł ní Jesus. (Matthew 6:9, 10) Hastóí dóó sáanii, áádóó daʼatʼínígíí dóó baa dahojoobáʼígíí Jesus tʼáá ákwíí jı̨́ díí aheełtʼéego neineeztą́ą́ʼ. Ízrel dineʼé éí íiyisíí nazhdínóotı̨́ı̨́ł biniyé jiníyá, ndi Samériya dineʼé, índa doo Jew dineʼé ałdóʼ neineeztą́ą́ʼ. Jesus éí tʼáá ałtso diné aheełtʼéego yaa nitsíkees ńtʼééʼ. Doo éí íídą́ą́ʼ hastóí dahodísinii ánaazíinii ádaatʼé yę́ęgi ájítʼée da ńtʼééʼ.

3. God biNahatʼaʼ éí doo nahasdzáán bitsʼą́ą́dóo da. Jesus bidineʼé, éí łahdę́ę́ʼ dineʼé binahatʼaʼígíí, tʼáá naʼníleʼdii bikʼi dahwéeʼaah yę́ędą́ą́ʼ tádííyá. Bílaʼashdlaʼii binahatʼaʼ bídadéétʼiʼígíí ajítah doo biniyé, chʼééh yił ídahoołtsóód ńtʼééʼ. Ndi tʼóó bitsʼą́ąjįʼ dashdiiyá. (John 6:14, 15) Naatʼáanii léiʼ ííłní: “Bee shóhólníihii éí doo díí nahasdzáán bitsʼą́ą́dóo da.” (John 18:36) Jesus bikééʼ nidaakai yę́ę kóníigo yaa haadzííʼ, “bí ałdóʼ nihokááʼ bił nidahaztʼiʼii doo yídadéétʼiʼ da.” (John 17:16) Bee naʼabaahii chodeezhdoołʼįįłgi, Jesus doo há yinízin da, azhą́ shı̨́ı̨́ bichʼą́ą́h bee bił hadazhdoodił ndi.​—Matthew 26:51, 52.

4. Christ ayóóʼóʼóoʼniʼ yee hooʼáał doo. Jesus díí yee haadzííʼ, diné háádadoolyįh áko bee ade ádahootʼéhígíí doo bá danidaazgóó ádeeshłííł ní. (Matthew 11:28-30) Díí éí tʼáá aaníigo yeʼiilaa. Jesus éí díí yee naʼneeztą́ą́ʼ. Baa nitséédaʼaltłiʼii bichʼįʼ haʼíínílní. Hazhóʼó kʼé nínídzingo ááníił doo. Naalyeʼé bidáhwiinidzinii bitsʼąą ádíínílzin. Dóó ił hózhǫ́ baa honítʼiʼ bíká ánítʼı̨́. (Matthew, wóltaʼii 5 dóó 7jįʼ) Jesus éí ayóóʼóʼóʼní bééhózíní áyiilaago bąą, diné daʼníłtsʼą́ą́dę́ę́ʼ deiyíkáhígíí éí ayóó haa áhwiinítʼı̨́įgo yaa ádahoniizı̨́ı̨́ʼ. Diné atídabiʼdilʼínígíí ałdóʼ baa dahaaskai, háálá haa aʼááh dínóozįįł danízin. Dooládóʼ shı̨́ı̨́ Jesus éí ayóó átʼéego Hooʼáałii nilı̨́į dooleeł!

Jesus éí łaʼ ayóó ánáánátʼéego yee ninááʼneeztą́ą́ʼ. Éí God bibee adziilee ląʼígo yee naashnish. Éísh éí haʼátʼíí biniyé ákódzaa? Kodóó łaʼ dadíníilʼįįł.

​—Naaltsoos Matthew, Mark, Luke, dóó John biiʼ baa haneʼ.