Diné hoolʼáágóó nahasdzáán bikááʼ kéédahatʼı̨́ı̨́ dooígíí éí Diyin God Bizaad biiʼ bikʼeʼashchı̨́įgo yaa halneʼ. (Psalm 37:29) Diyin God Bizaad éí 66 naaltsoos ádaałtsʼíísígo bee hadilyaa. God 40 hastóí dahodísinígíí choyoosʼįįdgo bá akʼedaʼaschı̨́. Mózes áłtsé ashdlaʼgo naaltsoos sinilígíí yikʼeʼashchı̨́, 3,500 nááhai yę́ędą́ą́ʼ. John éí tsʼídá akéeʼdi naaltsoos siʼánígíí yikʼeʼashchı̨́, 1,900 dóó baʼaan nááhai yę́ędą́ą́ʼ. Diyin God Bizaad yikʼedaʼashchínígíí éí háí bintsíkees bikʼehgo éʼélyaa? God biníłchʼi diyinii yee hastóí yichʼįʼ yáłtiʼgo, Diyin God Bizaad yikʼedaʼashchı̨́. (2 Samuel 23:2) God bintsíkeesígíí yikʼehgo yikʼedaʼaschı̨́, tʼáá bí bintsídaakeesígíí éí ndagaʼ. Áko Jiihóvah éí Diyin God Bizaad Haidiilaaígíí nilı̨́.​—2 Timothy 3:16; 2 Peter 1:20, 21 yííníłtaʼ.

Video Háísh éí Diyin God Bizaad Haidiilaa? bee naniné.

Nihił bééhózingo éí Diyin God Bizaad God bitsʼą́ą́dę́ę́ʼ, háálá doo asdzihgóó náásgóó ádahodooníłígíí nizhónígo yaa chʼíhwiizʼą́, bílaʼashdlaʼii éí doo łaʼ ákóozhdooníił da. (1 Kings 8:56) God Aláahgo Ayóóʼábóodziilii tʼéiyá náásgóó bílaʼashdlaʼii bá ádahodooníłígíí nizhónígo doo asdzihgóó yá yooʼı̨́.​—Isaiah 42:9; 46:10 yííníłtaʼ.

Naaltsoos God bitsʼą́ą́dóó ályaaígíí éí bééhózínígo náánáłaʼ naaltsoos tʼáadoo binaałtʼéhí da. Áko 450 dóó baʼaan saad áłʼąą átʼéego Diyin God Bizaad ályaa, éí díkwííshı̨́ı̨́ mííl tsoh anéelą́ąʼgo ndaasʼniiʼ. Azhą́shı̨́ı̨́ Diyin God Bizaad ałkʼidą́ą́ʼ ályaa ndi naʼalkaahgo ééʼdeetįįhii ííshjání ádaalyaaígíí bił ałhąąh niiʼnilgo nizhónígo ahił nidlı̨́. Áádóó 40go hastóí akʼedaʼashchínígíí, doo ałghadaʼditʼááhgóó ałkʼijįʼ ádaʼiilaa da. * Náá ałdóʼ, Diyin God Bizaad tʼáadoo bahatʼaadí God bibee ayóíʼíʼóʼní bee bikʼiniitʼą́, áádóó bidziilgo diné bibee daʼiinaʼ yáʼátʼéehgo ánáyoodlííł. Díí tʼááʼátʼé binahjįʼ diné díkwííshı̨́ı̨́ mííl ánéelą́ąʼgo Diyin God Bizaad tʼááʼíiyisíí bí biBizaad átʼéego dayoosdląąd. ​—1 Thessalonians 2:⁠13 yííníłtaʼ.

Video Haash Yitʼéego éí Diyin God Bizaad Tʼááʼaaníí Átʼéego Nihił Bééhózin Doo? bee naniné.

God bílaʼashdlaʼii ayóíʼíʼóʼní yee yá hodeezʼánígíí nizhónígo baa haneʼígíí Diyin God Bizaad aláahdi yaa chʼíhwiiʼaah. Diyin God Bizaad díí hazhóʼó yaa halneʼ; bílaʼashdlaʼii nahasdzáán ayóí áhonóolingo bikááʼ kééhojitʼı̨́į dooleełę́ę tʼáá níléídę́ę́ʼ yóóʼeeldéél. Ákondi díí nahasdzáán bikáaʼgi ayóí áhonóolingo ánáhodoodliił.​—Revelation 21:4, 5 yííníłtaʼ.

God Bizaad ałdóʼ díí dabiyiʼ: bee hazʼáanii, iiná bikʼehgo oodáałii, dóó naʼnitin bee hachʼįʼ yáʼátiʼ. Áádóó ałdóʼ Diyin God Bizaad biiʼdóó nátʼą́ą́ʼ náhaneʼígíí, haitʼéego God bílaʼashdlaʼii yił nashnishígíí yikʼi niinínil​—áko díí binahjįʼ God yee átʼéhígíí bééhózingo ííłʼı̨́. Áko Diyin God Bizaad níkáʼadoolwołgo God bééhodíísįįł. Éí ałdóʼ haitʼéego God bikʼis dííleełgo yee nihił halneʼ.​—Psalm 19:8, 11; James 2:23; 4:8 yííníłtaʼ.

Díí naaltsoos yííníłtaʼígíí Diyin God Bizaad hazhóʼó bikʼiʼdiʼdíítı̨́ı̨́ł biniyé níkáʼadoolwoł, Jesus Diyin God Bizaad choyoosʼiid yę́ęgi átʼéego nihí ałdóʼ ákótʼéego choidiilʼįįł. Jesus saad dah naazhjaaʼígíí tʼáá ałkééʼ yaa chʼíhwiiʼaah ńtʼééʼ, dóó hazhóʼó yaa halneʼ ńtʼééʼ, “Áko Diyin God bizaad bee akʼedaʼashchíinii yáʼátʼéehgo bikʼidazhdiʼdootı̨́įłgo hoł iishją́ą́ áyiilaa.”​—Luke 24:27, 45 yííníłtaʼ.

God bitsʼą́ą́dóó nizhónígo haneʼígíí éí tʼááʼałtsoní bóhoneedlínígíí yiláahdi átʼé. Ákondi díí łaʼ diné doo bił danilı̨́į da, dóó łaʼ tʼóó yádadoolni. Díí biniinaa naa nahółkaad lágo. Ni éí God bééhosínísįįdgo tʼéiyá iiná doo ninítʼiʼii ná chohooʼı̨́į doo.​—John 17:3 yííníłtaʼ.