Doo yáʼátʼéehii ádaaʼoolʼįįł ídoolniłígíí Séítan diné yee náyínítaah. Diné God bikʼis nishłı̨́į doo nízinígíí éí tʼáá íiyisíí Jiihóvah yijoołxáhígíí jijoołxáa doo. (Psalm 97:10) God bikʼis danilíinii éí díidí łaʼ ádaaʼoolʼįįłii yitsʼąą ndaakai:

Naʼageh bee Niʼiidzííh. “Tsʼídá doo adidííléeł da.” (Exodus 20:14) Tʼahdoo iigehgo ił ashtéézhgo ałdóʼ doo ákótʼée da.—1 Corinthians 6:18.

Yéego Iłnahonidooh. “Daʼjidláanii . . . éí Diyin God bee bóhólníihgo bił hazʼáanii łáʼí ndi doo hóóʼ dadooleeł da.”—1 Corinthians 6:10.

Diné Ndaʼahiltseed, Atsą́ Hadaʼilʼeeł. “Diné tsʼídá doo diyííłhéeł da.”—Exodus 20:13.

Anitʼįįh. “Tsʼídá doo adínííʼı̨́įł da.”—Exodus 20:15.

Yoochʼííd. Jiihóvah éí “biyoochʼíidgo yáłtiʼii” yijoołxá.—Proverbs 6:17.

 Doo Tsʼíídii dóó Ákʼeejildlaʼgo. “Doo yáʼádaashóonii áádóó ádéé hooldzíidgo hináanii [Jiihóvah] tsʼídá yijoołxá.” (Psalm 11:5) “Áko tsʼísee kʼehgo baa ooldahii . . . [tʼáá biłgo ałdóʼ] áháchįʼ.”—Galatians 5:​19, 20.

Oohbįįh Biniiyé bee Ałkʼińdaʼiildahii. “Éí háiida akʼis jílı̨́įgo oodlání bee hoʼdééjiʼii . . . éí tʼáadoo hoł ałtaołdeehí doo, hweʼáchą́hwíídéeniʼii.”—1 Corinthians 5:11.

Ałʼąą Dineʼé dóó Ałtah Áátʼeełii Joodláii. “Nihiʼanaʼí ayóóʼádeínóhʼní áádóó atídanihiłʼíinii bá sodadołzin.”—Matthew 5:​43, 44.

Tʼáadoo leʼé God yee nihił halneʼígíí nihá yáʼátʼééhii áté. Tʼáadoo leʼé doo yáʼátʼéehgo oʼoolʼįįł bitsʼąą koníítʼee dooleełígíí, tʼáá nihá nanitłʼa. Jiihóvah nihíkáʼanálwoʼgo dóó Bá Dahalneʼé nihíkáʼanájahgo, tʼáadoo leʼé God doo bił yáʼátʼééh ádaʼoolʼįįłii bitsʼąą kwiniitʼéedoogo hazʼą́.—Isaiah 48:17; Philippians 4:13; Hebrews 10:​24, 25.