Bá atíjítʼíįgo tʼéiyá hakʼis haleeh; bá atíjítʼíįgo tʼéiyá hakʼis tʼáá hólǫ́ǫ doo. God bikʼis jidooleeł dóó tʼáá bikʼis jilı̨́į dooleełígíí bá atíjítʼı̨́įgo éí iilíigo hakʼihojidlíí doo. Jesus daboosdląądígíí ábizhdííniid: “Tʼááʼaaníinii nihéédeididoochił.” (John 8:32) Haʼátʼíish ááhyiłní díí?

Néédoochidígíí kʼad bee ńdiildįįłgo hazʼą́. Séítan doo tʼááʼaaníí naʼnitin dóó biyoochʼííd kʼeeʼąą yilzhishígíí bitsʼą́ą́dę́ę́ʼ néédidoochiłgo hazʼą́. Mííl ntsaaígíí doo biʼaan anéelą́ą́ʼgo diné Jiihóvah doo yéé dahósinígíí éí beʼiinaʼ biiʼ doo ił chohooʼı̨́ tʼéiyá hadadéézbínígíí bitsʼą́ą́ néédidoochiłgo hazʼą́. (Romans 8:22) God dabikʼis éí “anoonééł ił hołyéeʼii” bitsʼą́ą́dę́ę́ʼ ndi béédadeeschchid.—Hebrews 2:​14, 15.

God kéyah tʼáá siʼą́ą́ ńtʼę́ę́ʼ ániidígo biiʼ néédoochidígíí bee ńdiildįįłgo hazʼą́. Náásdi éí tsʼídá íiyisíí yáʼátʼééhgo néédoochidígíí bee ńdiildįįłgo hazʼą́! Díí nihookááʼ tʼáá siʼą́ą́ ńtʼę́ę́ʼ Kéyah Tʼáadoo Bee Hónóoshónígi, éí anaaʼ, ąąh dahazʼą́, dóó bąąhági átʼéii bitsʼąą néédidoolchił. Téʼéʼı̨́ dóó dichin bitsʼąą néédidoochił. Są́ dóó anoonééł bitsʼąą néédidoochił. Yééʼ, adeʼahósinii, dóó doo tʼáá ákogi átéii bitsʼąą néédidoochił. Díí Diyin Bizaad éí God ááhyiłní: “Nílaʼ ąą ánéinilʼįįhgo hináanii tʼááʼałtso nináneelʼą́ąjiʼ deinízinii yee hwiih danilı̨́įgo áníłʼı̨́.”—Psalm 145:16.

 God dabikʼis éí hoolʼáágóó dahináa doo. Iiná doo ninítʼiʼíí éí tʼááʼałtso God bił ałchʼóoʼní hádeideezʼı̨́ʼígíí ílı̨́įgo yaayiiléhígíí átʼé. (Romans 6:23) Tsʼídá baa ntsíníkees, iiná doo ninítʼiʼíí ná ááhyíłnígíí!

Tʼáadoo tsʼįįł níníziní tʼóóʼahayóí tʼáadoo leʼé ídíílíłígíí bá hazʼą́ą doo. Dilní bee nidaʼaʼnéhígíí daatsʼí łaʼ bóhoodeeshʼááł nínízin. Éí doodago naʼashchʼąąh doodaiiʼ niʼiishchʼíísh dooleeł daatsʼí nínízin. Naaldlooshii doodaiiʼ naniseʼ daatsʼí bá íhóodeeshʼááł nínízin. Éí doodaiiʼ chʼaa naniná, dóó náánáłahgóó kéyah dóó diné yideesʼtsééł nínízingo ná bihónéedzą́. Iiná doo ninítʼiʼíí hwee hólǫ́ǫgo éí tʼááʼałtso tʼáadoo leʼé bihónéedzą́ągo íidoolííł.

Tʼáadoo tsʼįįł níníziní tʼóóʼahayóí nikʼis adiilíiłgo bá hazʼą́ doo. Hoolʼáágóó iiná éí díí bihónéedzą́ íidooliił, God tʼóóʼahayóí bikʼis daazlʼı̨́ʼígíí bééhoodíísįįł. Éí deiyiichįįhii dóó yee hadítʼé yáʼátʼééhíí bééhoodíílsįįł, dóó nikʼis dadooleeł ałdoʼ. Ayóóʼííníʼníi doo, dóó bí éí ayóóʼádanoʼníi doo. (1 Corinthians 13:8) Iiná doo ninítʼiʼíí hweehólǫ́ǫgo éí kǫ́ǫ́ nihookʼááʼgi tʼááʼałtso bikʼis jidoleełígíí tʼáadoo tsʼįįł níníziní bá hazʼą́ą doo! Tsʼídá aláahdi, tʼáá náás yidiiską́ą́góó Jiihóvah bił ałchʼóoʼní tsʼídá yéego ná noosééł doo. Hoolʼáágóó God bikʼis nilı̨́į leʼ!