Hakʼis hwił nílı̨́nígíí dóó baa jistiʼígíí binishtʼée doo jinízingo nabízhnítaah łeh. God Bizaad ání: “Bóhólníihii nilíinii éí yáʼátʼééh áádóó tʼááʼaaníí góneʼ átʼéii nilı̨́.” (Psalm 25:8) God bikʼis jidooleełgo, nihí éí tsʼídá yáʼátʼééhii dóó tʼáá ákóneʼ átʼéii niidlı̨́į doo. God Bizaad ání: “Diyin God baʼáłchíní ayóóʼáyóʼnínígíí danohłı̨́įgo bidaʼołʼı̨́ . . . ayóóʼóʼóʼní bee dayínóhkááh.” (Ephesians 5:​1, 2) Kǫ́ǫ́ éí łaʼ ákótʼéego ádaʼółı̨́į doo:

Náánáłaʼ éí bíká azhdoolwoł. “Haaʼíshąʼ diné tʼááʼałtso baa dabjiiniibaʼgo nizhónígo bindeiilnish doo.”—Galatians 6:10.

Yéego nanilnish. “Azhniʼįįhii tsʼídá doo náázhdíʼnóoʼı̨́įł da, ndi hanaanish ílı̨́įgo joołtʼihgo éí bee badahojoobáʼíígíí baa jijoobaʼ doo.”—Ephesians 4:28.

Tsʼísee kʼehgo dóó hweʼíʼoolʼįįł kʼehgo chin hąąh ádin doo. “Haaʼíshąʼ nihitsʼíís índa nihinílchʼi niyiiłchxǫǫhii nahjįʼ kódadiilnííł, áádóó Diyin God dadíníilzingo diyingo iiná hadaałtʼéego ádadiilnííł.”—2 Corinthians 7:1.

 Tʼáá nighan bił hazʼánígi ayóóʼóʼóʼní dóó ąą hastiʼ bee baa jiiníbaʼ. “Tááłáʼí noozínígo . . . ayóóʼádadííʼnóhʼnínígi átʼéego niheʼasdzą́ą́ ayóóʼádeínóhʼní, áádóó eʼasdzą́ą́ jílíinii hahastiin hoł nilı̨́į doo. Áłchíní danohłíinii . . . danihishchíinii bikʼeh dahonołʼı̨́.”—Ephesians 5:33–6:1.

Náánáłaʼ bichʼįʼ ayóóʼóʼóʼníinii ííshją́ą́ iniłʼı̨́. “Haaʼíshąʼ ayóóʼádaʼáhííníiʼníi doo, háálá ayóóʼóʼóʼní éí Diyin God bitsʼą́ą́dę́ę́ʼ.”—1 John 4:7.

Kéyah bibeehazʼą́ąnii bikʼeh honiłʼı̨́. “Diné tʼááłáʼí jinítínígo [nahatʼaʼ] bídahojíłníih doo. . . . Éí bąą tʼááʼałtso tʼáá yą́ą́h danilı̨́įgo ádabidiʼdoolnííł góneʼ bichʼįʼ ádaahnííł; yáál bihididzóhígíí bichʼįʼ nahalyéii yáál bihididzóhígíí bichʼįʼ ndahohłé, tax bichʼįʼ nahalyéii tax bichʼįʼ ndahohłé.”—Romans 13:​1, 7.