Ałchʼóoní éí ayóóʼóʼóʼní bee niłdzil. Jiihóvah tʼáá náásgóó ląʼígo baa íhoołʼaahgo, ayóóʼííníʼnínígíí tʼah biláádi átʼée doo. God ayóóʼííníʼnínígíí noossééłgo, bá nashʼaʼ dooleeł nínízinígíí aldóʼ noossééł doo. Díí éí Jesus Christ bídahoołʼaahii dííleełgo nidiyoołnááł. (Matthew 28:19) Jiihóvah Yá Dahalneʼé bił dahózhǫ́ǫgo bił hazʼánígi bidiniyáago, ni ałdóʼ hoolʼáágóó God bił ałchʼóʼóʼní binahjiʼ nił bééhodoozįįł. Niísh éí tsʼídá haadíínííł?

God bibeehazʼáanii bikʼeh honiłʼı̨́įgo éí ayóóʼíníʼnígíí bee tsʼídá ííshją́ą́ adiʼdíílnííł. “Háálá yee hasʼáanii bikʼeh hólʼínígíí éí Diyin God ayóóʼóóʼní átʼé. Áádóó yee hasʼáanii doo ade átʼéé da.”—1 John 5:3.

Bóʼhoołʼaahígíí beʼełʼı̨́. Díí naʼashchʼą́ą́ nahalingo Jesus haneʼ łaʼ yaa holneʼ. Diné hóyą́á léiʼ tséʼéłkáaʼgi bighan áyiilaa. Diné doo áhályání léiʼ séítahgi bighan áyiilaa. Nahałtin bił deeyolgo, tséʼéłkáaʼgi hooghan ályaa yę́ę éí tʼáadoo ahiih naałdaaz da, ndi séítahgi hooghan ályaa yę́ę éí yéego ahiih náázhoozh. Jesus binaʼnitin yiyíistsʼą́ą́ʼígíí dóó yidaʼiłʼínígíí éí diné hóyą́ą́go tséʼéłkááʼ hooghan áyilaaígíi ndahojíłin. Ndi binaʼnitin yidiiztsʼą́ą́ʼ dóó doo bidaʼjiłʼínígíí éí diné doo áhályání séítahgi hooghan áyilaaígíí ndahojílin. Díí diné háiidíí shą́ʼ nahonishłindo nínízin?—Matthew 7:​24-27.

 Ádaaʼidíítʼááh. Díí ááhyíłníníí éí ni Jiihóvah sodizin bee bił hodiilnih éí ni baaʼádinítʼaah íinízíníí hoołʼáágóó biʼdíílííł biniiyé. God íinízíníí ílʼı̨́įgi éí ni Jesus Christ bídahoołʼaahígíí nilíníí bee ííshją́ą́ ádiʼdíílnííł.—Matthew 11:29.

Taah hoʼdiltʼeehgo. “Tó bee niʼdólzı̨́įhgo Bóhólníihii bízhiʼ yínízhíigo Diyin God bichʼįʼ ádił niʼiyílzíhę́ę ałtso nąąh táídoogis.”—Acts 22:16.

Tʼáá bee ánitʼéii God bá nanilʼaʼ. “Bóhólníihii [Jiihóvah] bá ádaahtʼı̨́įgo tʼáá haʼátʼíhída baa ndaahkaigo haleebee bindaałnish; doo diné tʼéí bá ádaahtʼı̨́į da.”—Colossians 3:23.