God bikʼis jidooleełígíí éí hodeesʼáágóó agháadi háʼáhoodoonííłgo átʼé. God éí haitʼéego nihił hozhǫ́ dóó nihił hasih dooleełígíí yee nanihidínóotı̨́ı̨́ł; tʼóóʼahayóí daʼodląʼ doo ákótʼéhíí dóó ádaʼoolʼįįł atíʼéłʼíníí bitsʼą́ą́dę́ę́ʼ néididoochił. Nisodizin yiyíístsʼąąʼ doo. Nihiiʼ hashtʼehodítʼéii dóó ádaa ahódlí bee ńdiildįįłígíí yee níkáʼadoolwoł. (Psalm 71:5; 73:28) Nichʼįʼ náhwidiiʼnááhgo God nikʼi naaldzil doo. (Psalm 18:18) Áádóó éí iiná doo ninítʼiʼii God neidoolééłgo hazʼą́.—Romans 6:23.

God bichʼįʼ tʼáá áhánígo adilnéehgo, God bikʼis danilı̨́įnii bichʼįʼ tʼáá áhánígo iʼdiʼdíílnííł. Éí ałdóʼ nikʼis da dooleeł. Hááláá tʼááʼaaníí, tʼáá bił hajííjééʼ nił nidahalin doo. Éí bił dahozhǫ́ǫgo God yee nidandínóotı̨́ı̨́ł, níkáʼadooja, dóó bee haʼíínílníido.

God doo bił aheniiltʼée da. God bił ałchʼóoʼní bíkanítáago, díí tʼááʼaaníí bíhólnííh átʼéii tsʼídá bikʼiʼdiʼdíítı̨́ı̨́ł. Díí God bił ałchʼóoʼnígíí éí diné ahidiníłnáago ałchʼóoníníí doo bił aheełtʼée da. Bi éí tʼáá shíídą́ą́ʼdii átʼé dóó aláahdi hóyą́, dóó tsʼídá nihiláahdi bidziil. Bi éí tsʼídá tʼáadoo naaki nilíní nihi Naatʼáanii átʼé. Áko bikʼis diidleeł niidzingo tsʼídá yisiniiltsʼą́ą́ʼ doo, dóó ánihiłnínígíí beʼiilʼı̨́į doo. Díí bee tʼáá áłahjįʼ nihá yáʼátʼééhgo óʼooʼnííł doo.—Isaiah 48:18.