Séítan éí álílee choidííłʼįįł nízin. Tʼóóʼahayóí éí atídoniłígíí bitsʼąą bizází yę́ęniʼ doodaiiʼ níłchʼi bichʼą́ą́h naaghá doo biniiyé yichʼįʼ náádaʼiiłniih. Níłchʼi bił hazʼą́jí bibeeʼadziil yéédaaldzidígíí biniinaa kódaatʼı̨́. Álílee kʼehjí yoostsah dóó látsíní chodayoołʼı̨́. Díí “azeeʼ” deedlą́ doodaiiʼ bitsʼíís yídeitłoh, álílee bibeeʼadziil bąąh hólǫ́ danízingo. Dabighan goneʼé doodaiiʼ łeeyiʼ, tʼáadoo leʼé álílee achʼąąh naalyéii bibeeʼadziil dahólǫ́ danízingo nideidíniłʼįįh. Łaʼ éí álílee “beʼazeeʼ” chodayoołʼı̨́ biniinaanígíí éí díí naanish biyoolwoł, oltaʼjí ééhózin bee naʼóhonitaah, doodaiiʼ ahidiitʼaash biniiyé ahééhojoolzįįh, bee łaʼdoolnííł danízingo dayoodlą́.

Tsʼídá Séítan bichʼą́ą́h nanilée dooleełígíí éí Jiihóvah nikʼis nilı̨́įgo bee. Díí Jiihóvah God dóó bá ndaalʼaʼí éí Séítan dóó nílchʼi bidaʼiiníziinii tsʼídá biláahdi dabidziil. (James 2:19; Revelation 12:9) Jiihóvah éí bikʼis bá, beeʼadziil ííshją́ą́ íidoolííł yaa tsı̨́łi ląʼ nízin—éí tʼááʼałtsojįʼ doo bikʼidanicheehígíí.—2 Chronicles 16:9.

God Bizaad áni: “Álílee . . . tʼáadoo chodaołʼíní.” Jiihóvah éí álílee dóó adigąsh bił ndaztʼíʼígíí tsʼídá yikʼijįʼ yáłtiʼ, biniinaa éí díí ídaʼoołʼįįłígíí, Séítan Devil nilíinii bibeeʼadziil biyaajįʼ bee łaʼ ayiiʼéésh.—Leviticus 19:26.